НАЗВА:

скульптура хлопчыка з кнігай

ЛАКАЛІЗАЦЫЯ: 

Шчучынскі раён, Мажэйкаўскі сельсавет, аграгарадок Вялікае Мажэйкава, каля будынку былой школы.

паглядзець на мапе

АПІСАННЕ І ЦІКАВЫЯ ФАКТЫ: 

Скульптура ўяўляе сабой узнесеную на невысокі пастамент фігуру кучаравага хлопчыка, які сядзіць на крэсле, падпёршы галаву правай рукой, а левай рукой прыціскае да грудзей кнігу. Выканана метадам адліўкі з жалезабетону па тыповай форме.

Агульная кампазіцыя характэрная для савецкай паркавай скульптуры і адсылае да пашыранага яшчэ ў эпоху антычнасці вобраза хлопчыка-купідона, пазней замешчанага ў хрысціянскім свеце вобразамі дзіцяткі-Езуса і анёлкаў. У савецкай традыцыі адбылося атаясамленне падобных скульптур з юным Валодзяй Ульянавым, вобраз якога набыў прыкметы рэлігійнага культу, шырока распаўсюджваючыся на атрыбутыцы (акцябрацкія зорачкі, флагі), у літаратуры і мастацтве.

Скульптура была ўсталявана, верагодна, у 70-я гады ХХ стагоддзя.

У 2024 годзе аддзел адукацыі Шчучынскага райвыканкама выставіў скульптуру на продаж.