ЧАС ПАБУДОВЫ: 

1898-1916 гады

АРХІТЭКТАРЫ: 

губернскі архітэктар Аляксей Полазаў

АРХІТЭКТУРНЫ СТЫЛЬ: 

мадэрн

ЦІКАВЫЯ ФАКТЫ:

Будынак малой сінагогі (бейт-мідраш) быў ўзведзены адначасова з вялікай сінагогай. Малую сінагогу яшчэ называлі "цёплай", таму што ў ёй, у адрозненні ад вялікай ("халоднай") сінагогі, меліся печы, якія дазвалялі ацяпляць будынак зімой. Як і ў выпадку з вялікай сінагогай, канчатковы выгляд галоўнага фасаду значна адрозніваецца ад першапачатковага праекту.

У пасляваенны час у будынку размяшчаліся школьныя майстэрні, потым - інтэрнат для педагогаў.

У пачатку ХХІ стагоддзя будынак перастаў выкарыстоўвацца і быў закансерваваны.

Пад час міжнароднай экспедыцыі супрацоўнікі музеяў яўрэйскай культуры з Мінску і Варшавы наведвалі сінагогі ў Астрыне. Адна з удзельніц выпадкова зачапіла цэглу з печы, адкуль выпалі дзве рэлігійныя кнігі на іўрыце, схаваныя, верагодна, у час Другой усясветнай вайны. Зараз знойдзеныя кнігі захоўваюцца ў музеі ў Мінску.

У 2018 годзе будынак набыў мясцовы прадпрымальнік каб пераабсталяваць яго пад аўтамайстэрню.

ГЕАГРАФІЧНЫЯ КААРДЫНАТЫ:

гуглмапс

СПАСЫЛКІ Ў СЕЦІВЕ:

старонка на рэсурсе Radzima.org

старонка на партале Глобус Беларусі

старонка на партале POSHYK.INFO

старонка праекту МАРШРУТЫ ПА ШТЭТЛАХ

старонка на партале The Bezalel Narkiss Index of Jewish Art