Альхімовіч Казімір

Казімір Альхімовіч (1840-1916)

Мастак і графік, удзельнік нацыянальна-вызваленчага паўстання 1863 года.

Нарадзіўся 20.12.1840 у Дэмбрава (цяпер – Шчучынскі раён) у шляхецкай сям'і.

Скончыў Віленскую гімназію.

Разам з братам Гіяцынтам удзельнічаў у паўстанні 1863-1864 гадоў. Быў сасланы на Урал. 

Вярнуўся ў 1869 годзе пасля амністыі, вучыўся ў мастацкай школе В. Герсана ў Варшаве, Акадэміі мастацтваў у Мюнхене.

У 1876-1877 гадах жыў у Францыі, выстаўляў свае творы ў парыжсках салонах.

З 1877 года жыў пераважна ў Варшаве.

Выстаўляўся ў Варшаве, Мюнхене, Адэсе, Кракаве, Вене. 

Яго палатно «Пахаваньне Гедыміна» было двойчы адзначана ўзнагародамі. 

Акрамя жывапісу мастак захапляўся роспісам парцаляны і фаянсу, а таксама разьбой па дрэве. 

Творчасці Казіміра Альхімовіча характэрная гістарычная і міфалагічная тэматыка. Ён вядомы як ілюстратар твораў Юліюша Славацкага й Адама Міцкевіча.

Памёр 31.12.1916 у Варшаве.

Пахаваны на могілках Старыя Павонзкі.

Артыкул у Вікіпедыі