Хайтоўскі (Хаятаўскас) Беньямін

Беньямін Хайтоўскі (Беньямінас Хаятаўскас) 

(1917-1966)

Спявак, Заслужаны артыст Літоўскай ССР.

Нарадзіўся 25.06.1917 у Астрыне. У гады Грамадзянскай вайны сям'я перабралася ў Літву, у Коўна.

Беньямін атрымаў традыцыйную яўрэйскую адукацыю: вучыўся ў хедэры, а потым – у іешыве. 

У 1933 годзе пакінуў іешыву і пачаў падрыхтоўку да аліі – пераезду ў Ізраіль.

У 1938 годзе быў прызваны ў літоўскае войска.

У 1940 годзе паступіў у Каўнаскую кансерваторыю.

З першых дзён Вялікай Айчыннай вайны ў Чырвонай Арміі. Быў адным з арганізатараў і салістам ансамбля песні 16-й Літоўскай дывізіі.

Пасля вайны – саліст Літоўскай філармоніі ў Вільнюсе. Выконваў песні на літоўскай і рускай мовах. З 1947 года пачаў уключаць у рэпертуар яўрэйскія песні на ідыш.

У 1948 годзе страціў працу ў філармоніі з-за распачатай антысеміцкай кампаніі.

З 1956 года вяртаецца да канцэртнай дзейнасці. Набывае папулярнасць сярод аматараў яўрэйскай песні ў СССР і за яго межамі.

У 1965 годзе быў удастоены звання Заслужанага артыста Літоўскай ССР.

У 1966 годзе атрымаў дазвол на гастольную паездку ў ЗША, але заўчасная смерць не дазволіла яе ажыццявіць.

Памёр 16.02.1966 у Вільнюсе.