Савіцкі Леў

Леў Іосіфавіч Савіцкі (1841-1926)

Праваслаўны святар, даследчык гісторыі царквы ў Мураванцы.

Нарадзіўся 18.06.1841 у вёсцы Спорава (зараз – Бярозаўскі раён).

Паходзіў з сям'і праваслаўнага святара.

Скончыў Жыровіцкую духоўную вучэльню.

У 1863 годзе скончыў Літоўскую духоўную семінарыю.

10.11.1863 атрымаў сан іерэя і быў прызначаны настаяцелем Маламажэйкаўскай (Мураванкаўскай) царквы.

Быў настаяцелем цягам 62 гадоў. Арганізаваў царкоўна-прыходскую школу. Даследаваў гісторыю храма. З 1873 года друкаваў свае артыкулы ў Літоўскіх Епархіяльных ведамасцях.

Захапляўся бортніцтвам.

У гады Першай усясветнай вайны з’ехаў з адступаючымі рускімі войскамі. Вярнуўся ў Мураванку у 1920 годзе.

Памёр 02.02.1926 у Мураванцы.