Іваноўскі Вацлаў

Вацлаў Леанардавіч Іваноўскі

(1880-1943)

Беларускі грамадска-палітычны дзеяч, навуковец.

Нарадзіўся 25.05.1880 у Лябёдцы (зараз – Шчучынскі раён).

Будучы студэнтам Пецярбургскага тэхналагічнага інстытута ў 1902 годзе з групай аднадумцаў спрабаваў наладзіць у Лябёдцы выданне на гектографе падпольнай газеты «Свабода».

У 1903 годзе ўдзельнічаў у заснаванні Беларускай Рэвалюцыйнай Грамады.

У 1906 годзе ўзначаліў выдавецкую суполку «Загляне сонца і ў наша ваконца» ў Пецярбургу.

У ліпені 1913 года пераехаў у Вільню, дзе стаў старшынёй Беларускага выдавецкага таварыства.

У 1918 годзе – міністр асветы Беларускай Народнай Рэспублікі, рэктар Мінскага педагагічнага інстытута.

У 1922-1939 гадах – прафесар Варшаўскага політэхнічнага інстытута.

У 1939-1941 гадах – прафесар Віленскага ўніверсітэта.

Ад лістапада 1941 года – бургамістр акупаванага Мінска.

Загінуў 07.12.1943 у Мінску ў выніку замаху.

Пахаваны на Кальварыйскіх могілках.

Артыкул у Вікіпедыі