Францішак Банавентура Ярманскі (Юрманскі) 

(1725-1784)

Рэктар Шчучынскай школы піяраў, Літоўскі правінцыял ордэна.

Нарадзіўся 14.10.1725 у Брэст-Літоўскім ваяводстве. 

Вучыўся ў піярскіх навучальных установах у Новым Дольску і Любяшове. У навіцыят ордэну піяраў уступіў 11.02.1744 у Любяшове і там склаў першыя манаскія абяцанні.

12 гадоў быў хатнім настаўнікам у Радзівілаў. Потым быў настаяцелем канвікта ў Вільні. Падчас барацьбы езуітаў супраць піяраў падняў узровень канвікта і значна павялічыў бібліятэку. 

У 1778-1781 гадах – правінцыял літоўскіх піяраў, а з 1781 года да самай сваёй смерці быў рэктарам школы піяраў у Шчучыне. 

Цікавіўся гісторыяй і геаграфіяй, аўтар падручнікаў, у тым ліку «Практыкаванні, выкарыстаныя ў маладых Радзівілаў і вучнёўскай моладзі». Склаў і выдаў на лацінскай мове зборнік дакументаў па гісторыі піяраў у Рэчы Паспалітай да 1772 года: «Дэкрэты генеральных капітулаў ордэна...».

Памёр 05.04.1784 у Шчучыне.