Шупеня Сцяпан

Сцяпан Пятровіч Шупеня (1896-1979)

Нарадзіўся 10.11.1896 у вёсцы Нача Барысаўскага павета Мінскай губерні. 

У 1915 годзе прызваны ў царскае войска і накіраваны на румынскі фронт. Быў паранены.

У гады грамадзянскай вайны ваяваў на Ўсходнім фронце супраць войскаў Калчака і на Паўднёвым фронце супраць Юдзеніча.

У 1926 годзе прыняты ў шэрагі ВКП(б). 

Працаваў у Барысаўскім райкаме партыі. 

У 1937 годзе абраны старшынёй Заслаўскага райвыканкама. Пасля далучэння Заходняй Беларусі быў накіраваны загадчыкам сельгасаддзелам Баранавіцкага абкама КП(б)Б, затым – старшынёй Ляхавіцкага райвыканкама. 

З канца 1940 года – першы сакратар Шчучынскага райкама партыі.

У перыяд Вялікай Айчыннай вайны камандаваў Шчучынскім партызанскім злучэннем. 

Пасля вызвалення рэспублікі працаваў намеснікам старшыні Баранавіцкага аблвыканкама, першым сакратаром Слонімскага райкама партыі, старшынёй Полацкага і намеснікам старшыні Віцебскага аблвыканкамаў.

Быў дэпутатам Вярхоўнага Савета СССР трэцяга склікання і БССР другога-чацвёртага скліканняў. 

Ганаровы грамадзянін горада Шчучына.

Памёр 10.08.1979.

Артыкул у Вікіпедыі