Цыбульскі Францішак

Францішак Цыбульскі (1885-1943)

Каталіцкі святар, ахвяра вайны.

Нарадзіўся 22.05.1885 у вёсцы Скерсі (зараз – Шчучынскі раён).

У 1907 годзе скончыў Санкт-Пецярбургскую духоўную каталіцкую семінарыю.

У 1908-1910 гадах быў вікарыем у каталіцкіх парафіях у Росіцы, а затым у Барысаве.

У 1910-1917 гадах служыў пробашчам парафіі ў Абольцы каля Талочына.

У 1918-1930 гадах быў пробашчам парафіі ў Докшыцах.

У 1930-1940 гадах служыў пробашчам парафіі ў Радашкавічах.

У 1940 годзе стаў пробашчам парафіі ў Трабах.

10.03.1943 года быў расстраляны гітлераўцамі каля Ліды разам з іншымі 8 каталіцкімі святарамі, якіх трымалі ў якасці закладнікаў.