Хільмановіч Уладзімір

Уладзімір Іванавіч Хільмановіч

Беларускі гісторык, журналіст, грамадска-палітычны дзеяч.

Нарадзіўся 06.04.1967 у вёсцы Каменка (Шчучынскі раён).

У 1984 годзе з адзнакай скончыў Ракавіцкую сярэднюю школу.

У 1991 годзе скончыў гістарычны факультэт Гродзенскага дзяржаўнага ўніверсітэта імя Янкі Купалы.

З 1991 года працаваў настаўнікам, навуковым супрацоўнікам у музеі, метадыстам аддзела культуры Гродзенскага гарвыканкама.

У 1998 годзе скончыў аспірантуру пры Гродзенскім дзяржуніверсітэце.

Працаваў на Гродзенскім тэлебачанні.

З 1987 года актыўна ўдзельнічае ў грамадска-плітычным жыцці. Стаяў ля вытокаў стварэння Гродзенскай асацыяцыі маладых вучоных «Віт», Гродзенскага рэгіянальнага цэнтра інфармацыйнай падтрымкі грамадскіх ініцыятыў «Трэці сектар», адзін з ініцыятараў стварэння Беларускага краязнаўчага таварыства імя Тодара Нарбута.

Друкаваўся ў газетах «Літаратура і мастацтва», «Гродзенская праўда», «Футбол Беларуси», «Прессбол», «Пагоня», «Наша Ніва», «Биржа информации» і іншых. Быў сувыдаўцом інфармацыйна-аналітычнага бюлетэня «Свой Лад» (2002-2004). Аўтар Беларускага календара-даведніка.

З 2008 года вядзе перадачы «Беларускае золата», «Імёны Гародні» і «Краязнаўчыя кропкі» на радыё «Рацыя» (Беласток).

Пасля жнівеньскіх падзей 2020 года ў Беларусі быў вымушаны з'ехаць у эміграцыю.

Артыкул у Вкіпедыі