Тызенгаўз Ігнацы

Ігнацы Тызенгаўз (1760-1822)

Вайсковы і палітычны дзеяч Рэчы Паспалітай, генерал-маёр, уладальнік Жалудка, Дэмбрава, Каменкі.

Нарадзіўся  ў 1760 годзе.

Генера-маёр арміі Вялікага княства Літоўскага.

У часы Таргавіцкай канфедэрацыі ў 1792 годзе быў адміністратарам Лідскага павета. Камандаваў палком пешай гвардыі. У 1793 годы быў захоплены ў палон расейцамі і да 1795 года знаходзіўся пад арыштам.

Вярнуўшыся на радзіму гаспадарыў у сваіх шматлікіх уладаннях.

Падчас руска-французскай вайны 1812 года ўваходзіў у склад Часовага ураду Вялікага княства Літоўскага. За дапамогу у стварэнні пяхотнага палка і артылерыйскай роты атрымаў Залаты Крыж Ордэна Ганаровага легіёна. 

Пасля паразы Напалеона пад Масквой разам з рэшткамі Вялікай арміі трапіў у Еўропу. Яго маёмасць была секвестравана.

Пасля напалеонаўскіх войнаў і аб'яўлення царскай амністыі вярнуўся на радзіму. Атрымаў назад усю адабраную раней маёмасць і землі.

Быў жанаты з Марыянай Пшаздзецкай, з якой меў двух сыноў (Адольфа і Канстанціна) і дзвюх дачок (Аляксандру і Сафію).

Кавелер Ордэна Белага Арла і Ордэна Святога Станіслава.

Артыкул у Вікіпедыі