Сядзельнік Валерыя

Валерыя Валяр'янаўна Сядзельнік

Беларускі навуковец, педагог, кандыдат юрыдычных навук.

Нарадзілася 08.07.1958 у Вярбілках (Шчучынскі раён).

У 1973 годзе скончыла Вярбілкаўскую васьмігодку.

У 1973-1976 гадах вучылася ў Мінскім фінансава-эканамічным тэхнікуме.

У 1981 годзе скончыла юрыдычны факультэт БДУ.

З 1981 года выкладае на кафедры тэорыі і гісторыі дзяржавы і права юрыдычнага факультэта Гродзенскага дзяржаўнага ўніверсітэта.

У 1987 годзе завочна скончыла аспірантуру Маскоўскага юрыдычнага інстытута.

Друкуецца як правазнавец з 1982 года. Даследуе праблемы станаўлення прававой дзяржавы, усталявання канстытуцыяналізму, абароны правоў чалавека, арганізацыі і функцыянавання судовай улады. 

Аўтар больш чым 140 навуковых публікацый. Суаўтар навучальных дапаможнікаў для студэнтаў: «Асновы тэорыі дзяржавы» (1995), «Тэорыя дзяржавы» (Гродна, 1995).