Руфэнер-Сапега Эльжбета

Эльжбета Ізабэла Руфэнер-Сапега (1921-2008)

Польска-швейцарская мастачка, грамадскі дзеяч.

Нарадзілася 07.08.1821 у Спушы ў сям'і князя Яўстаха Каэтана Сапегі.

Скончыла школу ў 1939 годзе. 

Вайна не дазволіла распачаць навучанне ва ўніверсітэце.

Удзельнічала ў канспірацыйных структурах, за што была арыштавана гестпаўцамі ў Кракаве ў 1944 годзе і пасаджана ў турму.

Пасля вайны разам з маці апынулася ў  Швейцарыі.

Пасля ад'езду маці ў Кенію, дзе ў той час знаходзіўся бацька, Эльжбета засталася пад апекайі сям'і прамыслоўца Ганса Руфэнера, які даў ёй сваё прозвішча.

У 1950-я гады навучалася выяўленчаму мастацтву і скульптуры ў Берне.

Была сябрам Швейцарскага аб'яднання мастакоў.

Ад паловы 60-х гадоў рэгулярна наведвала Польшчу, прымаючы ўдзел у культурных і грамадскіх мерапрыемствах. Супрацоўнічала з каталіцкім грамадскім рухам «Сямейны запавет».

У 1994 годзе прэзідэнт Лех Валенса ўзнагародзіў яе крыжам Ордэна Заслугі перад Польшчай.

У 2000 годзе атрымала ад кардынала Польшчы Залаты Медаль за заслугі перад Касцёлам і Народам.

Памерла 01.05.2008 у Берне. 

Пахавана ў родавым склепе Сапегаў у касцёле ў Боцьках. 

Артыкул у Вікіпедыі