Пазняк Станіслаў

Пазняк Станіслаў Браніслававіч (1935-2014)

Урач-інфекцыяніст, мікрабіёлаг, выкладчык, кандыдат медыцынскіх навук.

Нарадзіўся 15.05.1935 у вёсцы Дзерванцы (зараз – Шчучынскі раён).

У 1960 годзе скончыў Мінскі медыцынскі інстытут.

З 1960 па 1964 год працаваў урачом, загадчыкам лабараторыі ў Гродзенскай абласной санітарна-эпідэміялагічнай станцыі.

З 1964 па 1971 год выкладаў на кафедры мікрабіялогіі, вірусалогіі і імуналогіі Гродзенскага дзяржаўнага медыцынскага ўніверсітэта. У 1971-2002 гадах – дацэнт кафедры інфекцыйных хвароб.

З 2002 года – дацэнт кафедры мікрабіялогіі і эпізааталогіі Гродзенскага дзяржаўнага аграрнага ўніверсітэта.

Навуковыя інтарэсы: інфекцыйныя хваробы і іх прафілактыка; эпідэміялогія; дыягностыка вірусных гепатытаў, таксаплазмозу, арнітозу; стварэнне аўтавакцын; аўтавакцынатэрапія хранічнага танзіліту і кандыдозу.

Памёр 31.05.2014.