Незабыткоўскі Караль 

Караль Канстанцінавіч Незабыткоўскі (1865-1952)

Палітычны і дзяржаўны дзеяч Расійскай імперыі і Польшчы, буйны землеўласнік і арганізатар сельскагаспадарчай дзейнасці ў Беларусі.  

Нарадзіўся 04.11.1865 у маёнтку Алешавічы на мяжы сучасных Мастоўскага і Шчучынскага раёнаў.

Вучыўся ў Віленскай класічнай гімназіі. У 1884 годзе паступіў на фізіка-матэматычны факультэт Санкт-Пецярбургскага ўніверсітэта, які скончыў з адзнакай у 1889 годзе. 

Пасля ўніверсітэта заняўся кіраваннем гаспадаркай у сямейных маёнтках у Мінскай і Гродзенскай губернях. Стаў членам Мінскага таварыства сельскай гаспадаркі, а пасля і адным з уплывовых яго кіраўнікоў. 

Караль Незабытоўскі стаў адным з заснавальнікаў Краёвай партыі Літвы і Беларусі (1907-1908). У 1911-1912 гадах быў дэпутатам Дзяржаўнага Савета Расійскай імперыі ад Мінскай губерні.

Пасля Лютаўскай рэвалюцыі ў Расіі Незабытоўскі разам з іншымі лідарамі Мінскага таварыства сельскай гаспадаркі падтрымаў ідэю палітычнай суб’ектнасці Беларусі. 

Міністр сельскай гаспадаркі і дзяржаўных маёмасцей Польшчы (1926-1929 гады).

Сенатар Польшчы ад Палескага ваяводства (1928-1930 гады).  

Пасля заканчэння кадэнцыі сенатара пакінуў палітыку і пачаў займацца толькі кіраваннем свайго маёнтка Хотаў.

З пачаткам акупацыі Польшчы 17 верасня 1939 года Незабытоўскі з сям’ёй выехаў у Вялікабрытанію, пасля ў Францыю, затым зноў пераехаў у Вялікабрытанію. 

Памёр 26.11.1952 у горадзе Бэкенхэм каля Лондана і пахаваны на мясцовых могілках.

Артыкул у Вікіпедыі