Лянцэвіч Сцяпан

Сцяпан Васільевіч Лянцэвіч 

Беларускі гаспадарчы і грамадскі дзеяч, Заслужаны работнік сельскай гаспадаркі Рэспублікі Беларусь.

Нарадзіўся 10.01.1937 у вёсцы Красная (зараз – Лідскі раён).

У 1954 годзе скончыў Беліцкую сярэднюю школу.

У 1959 годзе з адзнакай скончыў Гродзенскі сельскагаспадарчы інстытут.

Працаваў аграномам у калгасах імя Калініна і «40 год Кастрычніка».

У 1969 годзе прызначаны старшынём калгаса «Бальшавік» Шчучынскага раёна. Кіраваў гаспадаркай да 1992 года.

Выбіраўся  дэпутатам раённага, абласнога  і Вярхоўнага  Савета БССР. 

Заслужаны работнік сельскай гаспадаркі Рэспублікі Беларусь. Узнагароджаны ордэнам Працоўнага Чырвонага Сцяга і ордэнам Дружбы народаў, прафсаюзным знакам Пашаны.

Рашэннем Шчучынскага райвыканкама ў 2018 годзе звесткі аб ім занесены ў Кнігу Славы Шчучынскага раёна.