Кірвель Часлаў

Часлаў Станіслававіч Кірвель 

Беларускі навуковец і педагог. Доктар філасофскіх  навук, прафесар. Заслужаны дзеяч навукі Рэспублікі Беларусь.

Нарадзіўся 09.03.1945 у вёсцы Мякішы (зараз – Шчучынскі раён).

Вучыўся ў Барэйшышкаўскай васьмігадовай і Васілішкаўскай сярэдняй школах. Сярэднюю адукацыю скончыў у школе рабочай моладзі № 6 у Калінінградзе. 

У 1972 годзе скончыў філасофскі факультэт Ленінградсага дзяржаўнага ўніверсітэта. 

У 1972-1976 гадах вучыўся ў аспірантуры той жа ВНУ. У 1976 годзе абараніў кандыдацкую дысертацыю. 

З 1977 года выкладаў у політэхнічным інстытуце горада Камсамольск-на-Амуры.

З 1980 года – у Гродзенскім дзяржаўным універсітэце імя Я.Купалы на пасадах дацэнта, загадчыка кафедры марксісцка-ленінскай філасофіі.

У 1990 годзе абараніў доктарскую дысертацыю.

У 2005 годзе ўзнагароджаны медалём Францыска Скарыны. 

Вывучае праблемы ўтапічнай свядомасці і сацыяльнай філасофіі, ролі суб’ектыўнага фактара ў гісторыі і інш. 

Загадчык кафедры філасофіі Гродзенскага дзяржаўнага ўніверсітэта, аўтар больш 120 навуковых прац.