Касьяновіч Рыгор

Рыгор Рыгоравіч Касьяновіч

Навуковец і педагог, кандыдат эканамічных навук.

Нарадзіўся 15.01.1935 у вёсцы Крывулькі (зараз – Мастоўскі раён).

У 1950 годзе скончыў Будраўскую сямігадовую школу.

Працаваў у калгасе імя Суворава Шчучынскага раёна, рабочым на прадпрыемстве «Мастоўдрэў». 

У 1952-1954 гадах быў сакратаром Мікелеўшчынскага сельскага Савета Мастоўскага раёна. 

У 1957-1960 гадах – намеснік старшыні і галоўны аграном калгаса «Красное Знамя» Шчучынскага раёна.

У 1960-1963 гадах – настаўнік Дэмбраўскай васьмігадовай школы, намеснік дырэктара па вучэбна-выхаваўчай рабоце Каменскай сярэдняй школы. 

У 1964-1969 гадах – інспектар школ Шчучынскага раёна, у 1969-1975 гадах – інспектар упраўлення адукацыі Гродзенскага аблвыканкама. У 1975-1979 гадах – загадчык аддзела сацыяльна-эканамічнага планавання Гродзенскага НВА АПК.

Скончыў Гродзенскі сельскагаспадарчы інстытут па спецыяльнасці «вучоны аграном», аспірантуру пры НДІ эканомікі НАН БССР. 

Абараніў кандыдацкую дысертацыю «Асноўныя праблемы падрыхтоўкі кваліфікаваных кадраў для сельскай гаспадаркі». 

У 1979-1981 гадах – старшы выкладчык, з 1981 года – дацэнт кафедры эканамічнай тэорыі ГрДУ.

Сябра Саюза журналістаў Рэспублікі Беларусь.