Князь Уладзіслаў Друцкі-Любецкі (1864-1913)   

Грамадскі дзеяч, уладальнік Шчучына.

Нарадзіўся 19.09.1864 у Парыжы.

Вучыўся ва ўніверсітэце ў Дэрпце (зараз – Тарту (Эстонія)).

Валодаў вялікай колькасцю маёнткаў на Гродзеншчыне і Палессі.

На мяжы ХІХ-ХХ стагоддзяў па праекце віленскага архітэктара Тадэвуша Раствароўскага пабудаваў палац у Шчучыне.

У 1907 годзе быў прэзідэнтам Гродна.

Захапляўся аўтамабілямі, быў адным са стваральнікаў і першым прэзідэнтам Таварыства аўтамабілістаў Царства Польскага.

У 1909 годзе набыў палац у Тарэсіне пад Варшавай. 21 красавіка 1913 года цела застрэленага князя было знойдзена ў лесе недалёка ад Тарэсіна. Забойства лічыцца не раскрытым да гэтай пары.

Пахавалі Уладзіслава ў Шчучыне ў фамільным склепе ў сутарэннях касцёла.

Па смерці князя яго ўдава і дзеці атрымалі вялікую спадчыну агульным коштам у 8 мільёнаў рублёў.

Артыкул у Вікіпедыі