Грыгаровіч Ігнат

Ігнат Вінцэнтавіч Грыгаровіч

Заслужаны сувязіст Рэспублікі Беларусь.

Нарадзіўся 29.08.1936 у Васілішках (зараз – Шчучынскі раён). 

Паходзіў з сялянскай сям'і.

Пасля заканчэння Васілішкаўскай школы вучыўся ў Мінскім тэхнікуме электрасувязі і Маскоўскім усесаюзным завочным электратэхнічным інстытуце сувязі.

Працоўную дзейнасць пачаў у 1960 годзе ў Гродзенскім лінейна-тэхнічным вузле сувязі. Прайшоў прафесійны шлях ад электрамеханіка да начальніка абласнога ўпраўлення сувязі.

З 1986 па 2002 год кіраваў Гродзенскім філіалам рэспубліканскага ўнітарнага прадпрыемства «Белтэлекам».

За шматгадовую плённую працу ўдастоены звання «Заслужаны сувязіст Рэспублікі Беларусь».