Белякоў Мікалай

Мікалай Мікітавіч Белякоў (1917-2000)

Партызанскі камандзір, дзяржаўны дзеяч, Ганаровы грамадзянін Шчучына.

Нарадзіўся 13.12.1917 у сяле Чорнае Знаменскага раёна Арлоўскай вобласці.

Паходзіў з сялянскай сям'і. Пасля заканчэння школы працаваў, служыў у Чырвонай Арміі.

Са жніўня 1941 па ліпень 1944 года – актыўны ўдзельнік партызанскай барацьбы на тэрыторыі Баранавіцкай вобласці.

Пасля вызвалення Беларусі ад нямецка-фашысцкіх захопнікаў працаваў да 1946 года старшынёй Шчучынскага і Жалудоцкага Саветаў дэпутатаў працоўных, з 1946 па 1957 год – на розных пасадах у Полацкай вобласці.

У 1957 годзе вярнуўся ў Шчучын і працаваў на гаспадарчай рабоце да 1977 года.

Узнагароджаны чатырма баявымі ордэнамі і шматлікімі медалямі.

Ганаровы грамадзянін горада Шчучына.

Памёр у 2000 годзе ў Шчучыне.