Арабей Лідзія

Лідзія Львоўна Арабей (1925-2015)

Беларуская пісьменніца і літаратуразнавец, кандыдат філалагічных навук.

Нарадзілася 27.06.1925 у вёсцы Нізок Уздзенскага раёна.

У час Вялікай Айчыннай вайны ў 1942-1944 гадах жыла ў Шчучыне. 

З 1944 году была супрацоўніцай рэдакцыі Шчучынскай раённай газеты «Чырвоны сцяг». 

З 1945 году жыла ў Мінску. Працавала ў часопісе «Вожык», у рэдакцыі газеты «Чырвоная змена». У 1951 годзе скончыла філалагічны факультэт БДУ. 

У 1954 годзе скончыла аспірантуру пры Інстытуце літаратуры і мастацтва АН БССР. 

Кандыдат філалагічных навук, абараніла дысертацыю на тэму жыця і творчасці Алаізы Пашкевіч (Цёткі). 

У 1955-1967 гадах – старшы рэдактар выдавецтва «Беларусь». 

З 1958 года ў Саюзе пісьменнікаў СССР. Аўтар зборнікаў аповесцяў і апавяданняў, перакладаў і ўспамінаў.

Памерла ў Мінску 20.02.2015.

Артыкул у Вікіпедыі