Абдулаева Святлана

Святлана Іосіфаўна Абдулаева (Юшкевіч) 

Беларуская паэтка і педагог.

Нарадзілася 23.12.1964 у вёсцы Ашмянцы (Шчучынскі раён).

Скончыла Гродзенскую музычную вучэльню.

Працуе педагогам у Навагрудскай дзіцячай школе мастацтваў. 

Друкавацца пачала ў 1985 годзе.

Вершы з’яўляліся ў часопісах «Маладосць», «Полымя», «Алеся», «Гаспадыня», «Книжный калейдоскоп», у газетах «ЛіМ», «Настаўніцкая газета», «Гродзенская праўда». 

Піша на беларускай і рускай мовах.

У 2011 годзе ў выдавецтве «Кнігазбор» выйшаў зборнік яе паэзіі «Музыка дажджу». 

У 2012 годзе ў выдавецтве «Ковчег» – зборнік «Тайна времени» на рускай мове.

Многія вершы паэткі пакладзены самадзейнымі кампазітарамі на музыку.