2012 - López Serna
Forpasis s-ano Manuel López Serna
Antonio Marco Botella
Zaragozo, 2012Veterana elstara esperantisto, fervora batalanto por la Esperanta afero eĉ en la plej malfavoraj politikaj cirkonstancoj de nia lando, ja li estis SAT-peranto en tiuj danĝeraj tagoj kiam Esperanto ne estis plaĉe akceptita en oficialaj medioj de Hispanio. Oni ne povas forgesi, ke kiam la Esperanta Societo de Callosa de Segura estis oficiale fermita, kelkaj esperantistoj de nia urbo kunvenis en sia propra domo.
Li esperantistiĝis en la jaro 1936, instruis nia lingvo dum multaj jaroj kaj multe strebis por restarigi la Esperantistan Grupon de Callosa de Segura tuj post la fino de la intercivitana hispana milito.
Kiam pro profesiaj motivoj li translokiĝis al Alicante, li ne forlasis la Movadon, tute kontraŭe li fervore aktivis en tiu urbo, kaj en la jaro 1971 estis unu el la plej gravaj ĉeforganizantoj de la 31a HEF-Kongreso okazinta en tiu urbo.
Samideano López Serna, estis estrarano de la Esperanta Societo de Callosa de Segura, kaj poste ankaŭ de la Esperanta Grupo de Alicante, kaj en ambaŭ neniam oni povos forgesi lian laboremon kaj efektivan aktivadon.
Manuel López Serna, nia kara samideano, via forpaso doloras profunde al ni:
Manuel López Serna, nia kara...
Manolo,
Karese venas nun al nia memoro
je la komenco de la hispanmilito
kiam ni estis esperanto-lernantoj
kaj ĉiutage iris al nia Societo
kaj post la lernado promenadis
tra la belega loka ĝardeno….
Kaj kuraĝe paroladis Esperanton
same pri belulinoj ol pri filozofio
kaj la parfumo de la belaj floroj
instigis nin praktiki la lingvon
kaj revi pri paca tutmonda homaro
kiu sendube estis nia idealo....
Vi restos por ĉiam en nia memoro
kiel elstara esperantisto kaj amiko
kaj por eterne vi restos en niaj koroj!