Lífið 13.-17. ágúst 2003

<<<<<<<<<<<<<<<

Verðlaunagarðurinn (hluti hans) við Fossveg 9 

13. ágúst 15:14 -- 2003

Línan stokkuð Þessi ungi maður flutti sig út úr "beitningaskúrnum" og út í sólina á meðan hann gekk frá fiskilínu sinni. - 

Hann notar "evrópubretti" sem upphengi fyrir línustokkana og virðist una sínum hag vel í blíðunni. 

14 ágúst  2003

Suðurverk, hamast á fjallinu fyrir ofan norðurbæinn, eftir að hafa farið í stutt "sumarfrí". 

Sumir fá hroll, er það fylgist með tækjunum í hlíðinni, og finnst þetta vera hálfgert glæfraverk, en þessir menn kunna greinilega til verka, svo ekkert er að óttast. 

14. ágúst 15:25  2003

"Ýsa var það heillin" sagði máltækið. Það var ekki laust við að þeir svifu þessir ungu drengir, Fannar og Siggi sem voru svo ánægðir yfir afla sínum sem þeir sóttu niður á "Ríkisbryggju" 

Þessa tvær vænu ýsur sem Siggi heldur á. Þeir voru á leiðinni heim með fenginn. Það var og er algengt að fá ufsa og þorsk jafnvel mjög væna, við bryggjurnar, en þetta er í fyrsta sinn sem ég veit til þess að ýsa hafi fengist, á stöng við "ríkisbryggjurnar". 

15. ágúst.  2003

Síðustu "snjó" kornin. 

Snjóblettirnir í fjöllunum okkar hafa aldrei verið færri en nú í sumar, samkvæmt því sem elstu menn muna. 

Aðeins þrír blettir fyrir ofan Skollaskálina, og allstaðar horfnir þar fyrir norðan. 

16. ágúst 08:50 

Harley Davidson. Inni í skemmunni hans Gunna Júll, voru í morgun 14 Harley Davidson gljándi mótorfákar. 

Þrettán þeirra komu í bæinn í gærkveldi, ásamt eigendum sínum að sjálfsögðu, til að heimsækja Gunnar Júlíusson Harley Davidson eiganda með fleiru. 

Einnig var för þeirra heitið í sjóferð, með björgunarsveitarmönnum, á Sigurvin, en erindi björgunarsveitarmanna var að kanna hugsanlegan lendingarstað í Hvanndalafjörum. 

Og fengu Mótorhjóla drengirnir og stúlkur að fljóta með.  Myndir á undir tengli

16. ágúst 09:05 

Nýtt löndunarlið? hjá Síldarvinnslunni og Þórði Andersen, virðist tekið til starfa, en alls voru 11 nýir starfsmenn mættir til starfa í morgun á löndunarbryggjuna. (Eða eru þetta starfsmenn hafnarinnar?) 

Þeir voru dreifðir vítt og breitt um svæðið. -- Þessir nýju starfsmenn, virðast hættir að bíta gras, sennilega orðnir vel mettir af því að éta runnana og blómin hans Arnars Heimis garðyrkjufræðings bæjarins. 

Þessir starfsmenn (?) eru svo réttháir að engin lög ná yfir þá, það má ekki reka þá, það má ekki skjóta þá, ekki heldur skera, þeir eru af hinni vammlausu "Fljótaætt" - og talið er að sumir eigi ættir að rekja til Brúnastaða. 

16. ágúst  2003

Sigurður Jakobsson ÞH 320   973

Var kominn að bryggju við hlið Gissurar í innri höfninni í morgun. 

Ekki er mér kunnugt um erindið, en sennilega til geymslu í óákveðinn tíma ?