Laugardagur 1. janúar 2005 

Framhald á myndaseríu frá Söngskemmtun Karlakórs Siglufjarðar og fleiri söngvara, frá því fyrir áramót, 30 desember 2004.  

Laugardagur 1. janúar 2005 

Sextán Íslendingar, 10 karlar og 6 konur, voru sæmdir heiðursmerki hinnar íslensku fálkaorðu við athöfn á Bessastöðum í dag.   ----  

Þar á meðal var Örlygur Kristfinnsson, safnstjóri, Siglufirði, sem fékk riddarakross, fyrir framlag til uppbyggingar Síldarminjasafnsins. 

Til hamingju Örlygur, þessi orða er vissulega mikil og þér verðskulduð. 

Þú átt einnig þakklæti frá Siglfirðingum, sem í raun skulda þér mikið.  

Á meðfylgjandi mynd er Örlygur að segja Hákon krónprins Noregs og forseta Íslands frá hluta af sögu Siglufjarðar, við söltun hjá Síldarminjasafninu síðastliðið sumar 

 Laugardagur 1. janúar 2005  

 Kveikt verður á ÁRAMÓTABRENNUNNI  klukkan 17:00 í dag

Kveikt var í áramótabrennunni, nú á "tilsettum tíma" 

Það er aðeins var byrjað að velgja hauginn nokkrum mínútum fyrr, en ekki veitti af þar sem snjór og klaki var talsverður utaná bingnum. 

Allt gekk að óskum, ef frá er taldir smá vindsveipir með skafrenningi og ofankomu. En það rofaði á til milli- og ég notaði tækifærið í einu rofinu og tók þessa mynd, á slaginu 17:00

Þriðjudagur 4. janúar 2005

  Ein gömul:   Horft yfir suðurhluta Siglufjarðar árið 1963 +/-

Þriðjudagur 4. janúar 2005  

Skíðasvæðið í Skarðdal, þar er nú mikill og góður snjór fyrir skíðaunnendur. Lítið sást til mannaferða þar klukkan 14:30 í rökkurbyrjun,  þegar þessi mynd var tekin, enda vart við að búast þar sem veðrið sem hamrað hefur á okkur undanfarna daga gekk ekki niður fyrr en rétt fyrir hádegið í daga og virkur dagur í þokkabót. 

Eitthvað heyrði ég talað um að "spáin" væri ekki hagstæð fyrir morgundaginn amk. Við skulum vona að þeir komist á skíði sem fyrst sem það vilja, því ekki er að efa að þarna er gott að vera.

 Miðvikudagur 5. janúar 2005  

Frétt frá síðunni www.siglo.is   -- Á fundi bæjarstjórnar þann 29. desember 2004 var eftirfarandi bókun samþykkt samhljóða: “Bæjarstjórn Siglufjarðar leggur til við nefnd félagsmálaráðuneytis um sameiningu sveitarfélaga að kosið verði um sameiningu allra sveitarfélaga í og við Eyjafjörð, þ.e. að eftirfarandi sveitarfélög verði sameinuð í eitt; 

Siglufjarðarkaupstaður, Ólafsfjarðarbær, Dalvíkurbyggð, Akureyri, Grýtubakkahreppur, Hörgárbyggð, Grímsey, Arnarneshreppur, Eyjafjarðarsveit og Svalbarðsstrandarhreppur. 

Þátttaka Siglufjarðarkaupstaðar í slíkri sameiningu er algjörlega háð því að tryggð verði betri vegtenging staðarins við Eyjafjörð með Héðinsfjarðargöngum.

Fimmtudagur 6. janúar 2005  

Ein gömul:  

Frá Sakarðsmótinu 1965

Þórður Þórðarson Hrímni - Sigurður Pálmi Sigurðsson, sem gefur mér hornauga úr 50 metra fjarlægð - Sigurður Sigurðsson læknir (með pípuna) - Tryggvi Sigurbjörnsson rafveitustjóri og ?? 

Fimmtudagur 6. janúar 2005  

Aðsent: 

Ugla í heimsókn. 

Þessi mynd var tekin núna í dag kl 12 á hádegi, á svölunum að Suðurgötu 77 Siglufirði.

Kv. Doddi Björns 

  Fimmtudagur 6. janúar 2005 

Atvinnuskapandi verkefni flutt í bæinn. JE-Vélaverkstæði hefur keypt og látið flytja hingað enn einn plastbátinn, það er skrokkinn "tilbúinn undir tréverk" en þetta er/verður samskonar bátur og "Raggi Gísla SI" en JE-Vélaverkstæði hafa sérhæft sig í að gera við og byggja upp plastbáta.

Hingað til hefur Eimskip séð um þessa flutninga, en þar sem þeir eru hættir að sinna landsbyggðinni sjóleiðina, þá var fenginn sérhannaður bíll til flutningana. 

Palli bifreiðarinnar er einfaldlega "sturtað" af og dregin í gegn um Strákagöng, þar sem göngin eru ekki með næga lofthæð svo hægt sé að flytja svona farm á lágum tengivagni, hvað þá í þeirri hæð sem var á farminum þegar hann kom að gangnamunanum vestanverðu. Þetta gekk eins og í sögu, enda greinilega fagmenn á ferð.

Föstudagur 7. janúar 2005  

Ein gömul: 

  Frá Sakarðsmótinu 1965 

Hafliði Helgason útibússtjóri Útvegsbanka og Helgi Sveinsson íþróttakennari eru þarna auðþekkjanlegir 

 Föstudagur 7. janúar 2005  

Þrettándabrennan og tilheyrandi flugeldasýning hófst  í gærkvöld klukkan 18:00 með skrúðgöngu frá Torginu  með "álfa" sem raunar voru ekki nema tveir (?) og trumbuslagarar ásamt óbreyttum áhangendum  að brennustæði á Suðurtanga.

 Veðrið gat ekki verið betra, logn og úrkomulaust klukkan 18:00 -- en einni mínútu síðar komu flygsur úr lofti, sem smá saman fjölgaði og úr varð þétt slydda um það leiti sem flugeldaskothrinan hófst, svo vart sást til skoteldanna fyrir úrkomunni. 

En svona er þetta stundum. Kiwanis sá um athöfnina. 

Skíðafélagið um skoteldana - Veðrinu réð náttúran.

Laugardagur 8. janúar 2005 

Ein gömul: 

Frá Sakarðsmótinu 1965 -

 Tímamæling. Stúlkuna þekki ég ekki, en hinir eru Guðmundur Árnason og Bragi Magnússon