Miðvikudagur 1. mars 2006

Ein gömul: Beðið eftir Morgunblaðinu.

Árið 1963 bæði fyrir og eftir, var Morgunblaðið ekki borið út á Siglufirði, en venjulega kom blaðið í bæinn um og yfir klukkan 22:00 á kvöldin. Þá var jafnan ös framan við Aðalbúðina sem sá um að afgreiða blaðið. Mest var þó ösin yfir sumartímann.

Miðvikudagur 1. mars 2006 Óhapp "fram á Hóli" - Bifreið var ekið út af veginum norður af afleggjaranum á Hólsveg seinni partinn í gær. Ung stúlka missi stjórn á bifreið sinni sem hafnaði á hvolfi. Sem betur fór meiddist stúlkan aðeins á fingri, en var auðvitað mjög brugðið vegna atviksins. EKKI var um hraðakstur að ræða og að sögn sjónarvotts, langt neðan við hámarkshraða sem er 50 km.

Stúlkan var með öryggisbelti er óhappið varð

Miðvikudagur 1. mars 2006 Leikfélag Siglufjarðar, í samstarfi við nemendur úr Grunnskóla Siglufjarðar, bjóða Siglfirðingum og gestum að koma í leikhús fimmtudaginn 2. mars og þriðjudaginn 7. mars. Sýningar hefjast kl. 20:30 en húsið opnar klukkan 20:00. Leikfélag Siglufjarðar bryddar upp á nýjungum að þessu sinni því í staðinn fyrir hefðbundna sýningu þá verða sýndir þrír bráðskemmtilegir einþáttungar, Café Drama sem er samið af nemendum Grunnskólans, Eva spjarar sig eftir Evu Dununge og Illt til afspurnar eftir Jóhannes Geir Einarsson -- Nánari upplýsingar er að finna á "SAMKOMUR" - tenglinum hér fyrir ofan Ég skrapp á lokaæfingu hjá hópnum í gærveldi, var þar allt kvöldið í góðum og kátum félagsskap. Ég tók þar góðan slatta af ljósmyndum, sem verða að bíða til seinnihluta dagsins.

Miðvikudagur 1. mars 2006

Stórstreymi var í gær og kom þá fleira í ljós en gamlir bryggjustaurar, meðal annar mismunur flóðs og fjöru, þar með óvenjuleg "staða" bátanna við bryggjur

Fimmtudagur 2. mars 2006 Þeir sem áttu leið um bæinn í gær eftir hádegið og svo auðvitað starfsmenn fyrirtækja, komust ekki hjá því að vita af því að það var Öskudagur. Bærinn var yfirfullur af krökkum í allskonar skrautbúningum. Það var sama hvet var litið allstaðar báru þau fyrir augun. Ég elti meðal annar þrjú þeirra inn í Íslandsbanka og þar sungu þau fyrir starfsfólkið, - ekki bláalvarlegt fólk með alvörusvip samkvæmt ímynd peningavaldsins, heldur broshýrt starfsfólk, gjaldkerar sem aðrir og tóku þessir starfsmenn sannarlega þátt í gleði barnanna og skreyttu sig í samræmi við daginn. Þær myndir og fleiri sjáið þið með því að smella á >> En á þessari mynd hér sést einnig óvænt myndefni, sjálfur ljósmyndarinn að vanda sig. Stúlkurnar heita Katrín -Sara og María. Myndirnar HÉR

Fimmtudagur 2. mars 2006 Ein gömul: "Baulaðu nú Búkolla" Sennilega hafa engin vélakaup ollið jafnmiklu pólitísku fjaðrafoki og þessi vél sem þáverandi bæjarstjórn Siglufjarðar keypti (sumir sögðu bæjarsjórinn) Hvort vélin fékk nafnið Búkolla áður en hún kom í bæinn (með skipi) eða eftir á, en allir þekktu nafnið "málið" af götubylgjunni, og fóru oft fleiri en "tvennar" sögur af kaupunum. Þarna er vélin að bíða brottfarar, en þeir á vélaverkstæði Rauðku, sem var að vísu í eigu bæjarins, áttu margar vinnustundir við að gera við gripinn eftir nokkuð tíðar bilanir, sem "götubylgjan" taldi fleiri stundir, en við grjótmulning sem vélin upphaflega var smíðuð til og ætlast var af henni í eigu bæjarins. - Myndin er tekin 1963

Föstudagur 3. mars 2006 Frostdropar á einu af "sumarblómi" konu minnar, sem verið hefur á svölunum við hús okkar í allan vetur, ekki þekki ég til blóma og veit því ekki hvort þetta vaknar til lífsins aftur, en svona leit "blómið" út í morgun.

Laugardagur 4. mars 2006 -- Ein gömul: Hún hefur ekki verið upp á marga fiska reglugerðin um brunavarnir, eða eftirlit með slíku þegar þessi olíutankur og annar stærri lýsistankur vestan við voru reistir á síldarárunum við hliðina á gömlu Gránu, þriggja hæða timburhús á kjallara.

Innan við 1 metir aðskildu mannvirkin. Myndin er tekin árið 1964. Ef svo illa hefði viljað til að kviknað hefði i Gránu, er næstum víst að olíutankurinn hefði sprungið og logandi olían flotið um alla innri höfnina, með ófyrirséðum afleiðingum, brunnum bryggjum og mannvirkjum sem á og við þær stóðu. En svona var þetta bara !

Laugardagur 4. mars 2006

"Hrafn dagsins"

Laugardagur 4. mars 2006

Enn eitt glæsifley. Í gær voru Starfsmenn JE-Vélaverkstæðis - Siglufjarðar-Seigur að hefja undirbúning þess að steypa skrokk af nýjum bát.

Verið var að undirbúa mótin, en notuð er alveg ný aðferð við slíka vinnu við gerð trefja plastbáta.

Ég leit þar inn í gær og tók nokkrar myndir sem eru HÉR

Laugardagur 4. mars 2006 -- Á sveitakránni Ásláki í Mosfellsbæ í gærkveldi. Þar lék Guðmundur Ingólfsson frá Siglufirði fyrir dansi ásamt söngkonunum Hafdísi Karlsdóttur og Dögg Halldórsdóttur en þær eru báðar úr Mosfellsbæ. Þau munu spila á sama stað í kvöld og ættu Siglfirðingar að bregða sér á ball.

Með kveðju frá Gumma Ingólfs.

Ljósmynd: Guðmundur Albertsson

Sunnudagur 5. mars 2006 -- Í gær eftir hádegið byrjuðu þeir hjá Siglufjarðar Seiglu að dæla plastefnablöndu í mótið sem þeir hafa verið að undirbúa vegna bátasmíði. Notuð er aðferð sem þeir frá Sig hf eru brautryðjendur í hvað bátasmíði varðar, en er nú nær eingöngu notuð við flugvélasmíði erlendis. Á myndinni hér sjást fyrstu lítrarnir koma inn í mótið, en alls er áætlað að fari um 400-500 lítrar í skrokkinn sjálfan og muni alls verða um 900 kg. að þyngd þegar mótið er tekið burt, eftir storknun. >> Dælingin í mótið tók um 4 tíma.

Sunnudagur 5. mars 2006

Þarna er Sævaldur Jens Gunnarsson að koma úr útreiðartúr á sínum gæðingum í góða veðrinu í gær. Sveinn Þorsteinsson sendi mér þessa mynd

Mánudagur 6. mars 2006 Tré á Sigló

Myndasería með um ljósmyndum sem teknar voru í gær á Siglufirði á tímabilinu 10:00-17:00 Sett í syrpu sem er HÉR

Mánudagur 6. mars 2006 Kór Menntaskólans við Hamrahlíð kom í heimsókn í Síldarminjasafnið, nánar tiltekið Bátahúsið og þáði þar veitingar í boði bæjaryfirvalda. Örlygur fræddi þau um safnið og sýnd var mynd sem fjallar um síldveiðarnar.

Kórinn var svo með tónleika í Siglufjarðarkirkju og var þar fjölbreytt dagskrá, þetta er frábær kór og algjört eyrnakonfekt. Kærar þakkir fyrir heimsóknina. Sveinn Þorsteinsson. Myndir HÉR + Fleiri á síðu Svenna.

Þriðjudagur 7. mars 2006 Ein gömul: Þessa tvo heiðursmenn þekktu allir Siglfirðingar, og raunar margir fleiri. Gestur Fanndal og Matthías Jóhannsson.

Ég hefi sterkan grun um að Róbert Guðfinnsson hafi tekið þessa ljósmynd af goðunum, sennilega 1984 eða 1985 (?)

Miðvikudagur 7. mars 2006

Ein gömul: Föngulegur hópur; árgangur 1940

Runólfur bæjarstjóri ásamt konu sem við þekkjum ekki, en var að koma í fyrsta sinn í Skarðið og átti hún ekki orð yfir hvað svæðið væri gott og byði uppá mikla möguleika.

Silla með dóttursynina þriggja og sex ára og eru þeir að ná góðum tökum á skíðunum.

Á leið upp bungulyftuna.

Miðvikudagur 8. mars 2006 --- Ég fór með konu minni í leikhús í gærkveldi í boði Leikfélagsins og skemmtum við okkur konunglega. Það var gaman að sjá breytingarnar til hins betra, frá æfingu sem ég var viðstaddur á um síðustu mánaðamót, en þá var þessi mynd sem hér er með, tekin af þessum hnátum á sviði. - Okkur hafði verið boðið á frumsýninguna en af óviðráðanlegu ástæðum komumst við ekki fyrr en í gærkvöld. Ég skildi myndavélina eftir heima að þessu sinni. - Upplýsingar um leiksýninguna: Neðst á þessari síðu Það var uppselt á þessa sýningu eins og þá fyrri.

Miðvikudagur 8. mars 2006

Aðsent

Katrín Andersen sendi mér þessa mynd og sagði mér frá myndum á heimasíðu sinni frá vinnu við Sjálfsbjargar húsið fyrir og eftir opnun þess. Tengillinn er http://www.123.is/snillingur

Síðan ekki lengur aðgengileg

Fimmtudagur 9. mars 2006 Ein gömul: Ufsinn í hættu ? Sigurgeir Tómasson - Kristinn Ásgrímur Pétursson og Gunnlaugur Stefán Vigfússon

Þessi mynd hefur áður birst á síðum mínum, en aðeins minni. Veiðiskapur við bryggjurnar á sumrin var aðal dægrastytting ungra drengja þess tíma, þó svo að sumir þessara drengja hafi aldrei skilið við veiðiskap og meðhöndlum fiskjar, síðar á æfinni.

Fimmtudagur 9. mars 2006 Fiski landað úr bátnum Baddý SI 277 2545 - Þessa mynd tók Sveinn Þorsteinsson á dögunum á Togarabryggju.

En þarna er í notkun nýr löndunarkrani- og til viðbótar endurbætt og betri aðferð á meðferð fiski, aðferð sem ég hefi ekki séð áður. Þarna er löndunarkraninn ekki skellt ofan í næsta kar til að tæma og á fiskinn, eins og ég hefi séð gert hingað til, heldur sturtað frá öðru kari á hvolfi, án þess að eiga á hættu að fiskur merjist.

Fimmtudagur 9. mars 2006

Þetta eru þeir Hjálmar Jóhannesson og Ágúst Stefánsson byggingameistarar, en aðal vinna þeirra nú í dag og að undanförnu hefur verið að innrétta "Madömuhúsi" - áður Hafliðahús, en þarna á að verða Þjólagasetur til minningar um séra Bjarna Þorsteinsson. Þarna er mikið verk eftir að vinna, en húsið á að vígja í júlímánuði næstkomandi

Föstudagur 10. mars 2006 Trausti Magnússon (á Sauðanesi) varð 87 ára 13 ágúst 2005, Hulda Jónsdóttir kona hans er 85 ára í dag. Systir Huldu, Hrefna Líneik er með þeim á myndinni sem er tekin á afmæli Trausta, en þá fórum við skemmtilega ferð að heimsækja vini og vandamenn á Skaganum. Annars eru þau “Sauðaneshjón” nú búsett í Reykjavík. Jafnvel þótt þau hefðu getað sungið með Bubba “Aldrei fór ég suður” þá fóru þau suður og eru nokkuð brött (m.v. aldur og fyrri störf).

Til hamingju “gömlu”, ykkar dóttir Vilborg og stórfjölskyldan.

Föstudagur 10. mars 2006 - Bikarmóti SKÍ í flokki 13 - 14 ára verður haldið hér í Skarðinu 11. og 12. mars og hefst klukkan 11:00, Þetta er mót sem Skíðadeild Breiðabliks átti að halda í Reykjavík en varð að láta frá sér sökum snjóleysis en þeim var boðið að halda mótið sitt hér en treystu sér ekki til þess, þar sem þeir fengu ekki mannskap til að koma norður til að vinna við mótið, þannig að Siglfirðingar tóku að sér að halda þetta mót. En þetta eru u..þ.b. 85 keppendur. - Þeir sem hafa til þess tækifæri ættu að skreppa á svæðið til fylgjast með mótinu og í leiðinni að njóta útiverunnar og útsýnið sem svæðið býður upp á

Laugardagur 11. mars 2006

Ein gömul:

Ekki veit ég hvaða lið eru þarna að keppa í fótbolta, sennilega þó annað liðið frá KS. Þetta er ekki skörp mynd enda mikið "kroppuð" út úr annarri, en þó sjást þarna áberandi viðbrögð kappanna eftir spark frá þeim sem er lengst til vinstri á myndinni.

Myndin er tekin árið 1965

Laugardagur 11. mars 2006 Þau hjónin Kristín Þorgeirsdóttir og kristinn Konráðsson voru í morgun að gera sig klára til að leggja nokkur hrognkelsanet til viðbótar við þau sem þau lögðu í gær. Þau ætla leggja netin og vitja síðan um netin frá fyrri degi, en það er fyrsta vitjun þeirra á vertíðinni í ár. Þessa veiði hafa þau stundað á hverju vori á bátnum sínum Hrönn SI 144 6539 -- Á bryggjunni stendur Ragnar Helgason fyrrverandi sjómaður og fylgist vandlega með.

Laugardagur 11. mars 2006

Það var fallegt að líta til norðurs laust fyrir klukkan 08:00 í morgun, litadýrð og smá andvari.