Sunnudagur 20. febrúar 2005

Það var nóg að gera hjá vinkonunum í Aðalbúðinni við að afgreiða blóm í tilefni af konudeginum í dag. 

Greinilegt var að mikill áhugi er á hjá ungum sem gömlum að gleðja "kellu" sína með blómvendi. 

Mikið úrval var hjá þeim af blómum og vöndum, það var erfitt var að velja, sérstaklega fyrir karla eins og mig sem verð að játa að ég hefi reynt að gleðja konu mína með öðru en blómum hingað til. 

Það verður opið hjá þeim í Aðalbúðinni til klukkan 15:00  

Sigmar Magnússon er á myndinni hér fyrir neðan

 Sunnudagur 20. febrúar 2005 

Þeir trúa á vorið þessir feðgar Björn Jónsson smiður og sonur hans Jón Ingi Björnsson, þar sem þeir voru að mála fjölskyldubátinn í morgun, til að hafa hann ferðbúinn þegar grásleppan kemur. 

   Þetta er báturinn Ingiborg SI 60

 Mánudagur 21. febrúar 2005  -- Ein gömul:  Sörbukten við Jan Mayen. Bjargbáturinn á myndinni er af Haferninum, en þeir sem á myndinni eru, fengu að skreppa í land á eyjunni Jan Mayen. Það var blíðskaparveður og lágdauður sjór þegar lagt var í hann frá borði Hafarnarins, raunar alveg þar til við gerðum okkur klára til að taka land, búið var að drepa á vélinni til að vernda skrúfuna og árarnar teknar fram, þegar skyndilega eins og hendi væri veifað, komu hver stóraldan á fætur annarri og fleytti bátnum þversum langt upp á land með tilheyrandi gusugangi. Engum varð meint af nema menn blotnuðu rækilega.  - Þarna erum við að búa okkur undir að snúa bátnum með stefnið til sjós.  Allt tókst að óskum, því þarna voru hraustir strákar: Sigurður Jónsson bátsmaður - Bergsteinn Gíslason loftskeytamaður - Sigurður Ásgrímsson dagmaður í vél - Guðbrandur Sigþórsson háseti og Guðmundur Björnsson dælumaður - Það sést rétt á einn okkar á bak við Sigurð Jónsson, sem er Sigurjón Kjartansson háseti.- Haförninn flutti síld frá síldarmiðunum.  
Timburmaðurinn Steingrímur Kristinsson tók myndina sumarið 1967

 Þriðjudagur 22. febrúar 2005 

Fyrstu pensilför  vorsins ?

Mark Duffield málarameistara úti við í ár, voru framkvæmd í morgun í birtingunni, þessi mynd af var tekin klukkan 11 í morgun er hann var að mála hús Efnalaugarinnar við Aðalgötu. Fyrstu pensilför hans úti við á síðasta ári voru 20 apríl, er hann hóf málningu á húsinu Aðalgata 2- 

Eru þetta "gróðurhúsaáhrif" eða bara eðlilegt náttúrufyrirbrigði þetta tíðarfar? En í gær um klukkan 16:00 komst hitinn í 15 °C og nær allur snjór farinn,  -- nema í Skarðsdal.

 Miðvikudagur 23. febrúar 2005  -- Kveðja frá Kanada. 

Komdu sæll og blessaður vinnur, Hvernig hefurðu það? Héðan er allt gott að frétta. Veðrið er heitt og dásamlegt og það er alltaf nóg að gera. Ég lofaði að senda þér nokkrar ljósmyndir af brúðkaupi okkar Kym og vona að þú getir birt þær á Lífið á Sigló.   

Brúðkaup Chris og Kym í Canada - 28. desember 2004   - Hjónavígslan okkur fór fram þann 28 des. 2004 uppi í sveit í 9,000 manna bæ sem heitir Trail, 800 km austur af Vancouver. Þar bjuggu afi minn og amma í gamladaganna og fjölskyldan mín er enn tengd svæðinu. Það komu 50 manns í brúðkaupið og veðrið var ofsa fallegt. Þetta var náttúrulega kanadískt brúðkaup og tilfelli á skautum! Og svo keyrði Kym Zamboni vélina sem kom gestunum mikið á óvart! Þá var skemmtilegt skautapartý á dagskrá. Seinna meir var borðað og drukkið, alveg helling af spaghetti, og rauðvín frá besta framleiðanda í Kanada. Við Kym biðjum að heilsa öllum á Siglufirði og viljum heyra frá sem flestum. Endilega hafið samband á netfangið chrisogkym@yahoo.ca

 Miðvikudagur  23. febrúar 2005

Þessi steinn sem þarna sést á brúninni rétt vestan við munna Strákagangna og Hreinn Júlíusson stendur við, kom ofan úr fjallinu einhvern tíma í nótt. 

Steinninn lenti á vegarkantinum fjall megin, síðan á vegriðinu, yfir það og stöðvaðist á brúninni. 

Gott að enginn var á ferðinni þarna á þessu augnabliki.

Föstudagur 25. febrúar 2005

  Aðsent: 

Ég  var á göngu niðrá bryggju og varð mjög hissa þegar ég tók eftir þessu, enda svolítið mjög áberandi. 

Frekar mikill sóðaskapur í fólki, algjör óþarfi að henda þessu bara beint í höfnina og akkúrat á svona áberandi stað, þetta var þarna vítt og dreift um þetta svæði þar sem hann er á.   GH   

ES: mér sýnist þetta vera inni í Bátadokkinni, en bryggja og stefni báts speglast þarna í annars tærum sjónum. SK 

Föstudagur 25. febrúar 2005 

Aðsent:  -- 24. Febrúar 2005 - 

Fyrirlestur í efra skólahúsi Grunnskóla Siglufjarðar- Ólafur sparisjóðsstjóri og Sigurður skrifstofustjóri skelltu sér í skólann í dag og héldu fyrirlestur fyrir nemendur í 9. og 10. bekk. 

Fræddu þeir nemendur meðal annars um starfsemi Sparisjóðsins, styrki sem Sparisjóðurinn veitir, sparnað, lántöku og hvað það þýðir að gerast ábyrgðarmaður. Í lok fyrirlestrar tilkynntu Ólafur og Sigurður að Sparisjóðurinn mun bjóða nemendum fría rútuferð á Samfés dansleik sem farið er á, á vegum Æskulýðsheimilisins. Myndir sem teknar voru við þetta tækifæri geturðu skoðað með því að smella hér á vef Sparisjóðsins. kveðja DP  --
Þessi vefur er því miður ekki aðgengilegur í dag, en upp kemur nú "síða Arionbanka 

Föstudagur 25. febrúar 2005 

Aðsent:  

Hér er Styrbjarnardys sagði Steini verkfræðingur, er hann gekk um Dalaskarð fyrir skemmstu við annan mann. 

Styrbjörn stal mat úr hjalli nágranna síns til forna, var eltur uppi á leið yfir Skarðið, drepinn eins og hver annar ótíndur glæpamaður og heygður á staðnum. 

Misjöfnum sögum fer af því hvort hann bjó á Hóli eða var húskarl á Dalabæ eða í Höfn. -- 

Þarna er ráðgert að leggja vegarslóða næsta sumar úr Skarðdal og norður að Hafnarhyrnu vegna stoðvirkjanna sem setja á upp ofan Fífladala. Í baksýn er Snókur og enn fjær er Hólsskarð og Almenningshnakki.  ÖK 

Sunnudagur 27. febrúar 2005 

  Ein gömul: 

Bílvelta á Hvanneyrarbraut fyrir 40 árum. 

Engin slys urðu, en bílstjórinn tók ekki eftir (eða mundi ekki)   vegagerðar framkvæmdunum er hann kom heim til sín í myrkri um hánótt. 

 Sunnudagur 27. febrúar 2005

Aðsent:

  Myndir frá einsöngs- tónleikum nemenda á 6. stigi við Tónlistarskóla Siglufjarðar.

Tónleikarnir sem voru vel heppnaðir, voru haldnir í Siglufjarðarkirkju þann 16. febrúar síðastliðnum.

Þessir nemendur eru tenórarnir Björn S. Sveinsson og Þorsteinn B. Bjarnason. Kennari þeirra og undirleikari er Renáta Ilona Iván. Kv EÞ.

 Sunnudagur 27. febrúar 2005 

Pálshús - Mjóstræti 2- 

Það sem vakir fyrir mér vegna þessarar myndar, er að geta þess að þessi gata Mjóstræti.  Þar sem aðeins tvö hús eru kennd við; númer 1 og 2, og að ég held megi fullyrða; eina gatan á Siglufirði sem ekki er hægt að keyra enda á milli vegna lítils snjóruðnings, skafl sem þarna er eftir hindrar. 

Þeir sem eiga Pálshús eru þar fæddir og uppaldir, þó svo þeir starfi á Suðurlandinu, en þeim gæti dottið í hug að skreppa "heim" sem þeir gera mjög oft á ári, þá væri gott að þessi ruðningur væri farinn, ein skóflustunga með tæki  

Mánudagur 28. febrúar 2005  

Ein gömul: 

Sama svæðið, og hér fyrir neðan, tekið frá öðru sjónarhorni árið 1943

Ljósmynd: Hinrik Andrésson 

Mánudagur 28. febrúar 2005 

"Villimannahverfið" - var þetta svæði sem sést á myndinni kallað á unglingsárum mínum 8 -15 ára. 

Þarna á þessu svæði bjuggu annálaðir prakkarar sem voru "heimsfrægir" í augum "kjaftakerlinganna og karlana" sem áttu í eilífu stríði við "pörupiltana" sem þarna réðu ríkjum, Meðal annarra þann, sem fæddist og átti heima í dökk gula húsinu með brúna þakinu, fyrir miðri myndinni og var þar í forystu á svæðinu um árabil. 

Flest húsin sem prakkararnir áttu heima í eru horfin, en minningin lifir enn í hugum margra. 

Þar á meðal mín sem fæddist í húsinu númer 1 við Mjóstræti.   Myndin var tekin klukkan 14:00 í gær. 

Mánudagur 28. febrúar 2005  

Aðsent: Myndir frá Goðamótinu á Akureyri sem lauk í gær á Akureyri. En við sendum A,B og C lið í 5. flokki. Stelpurnar í 5. flokki stóðu sig vel og yngsta liðið gerði sér lítið fyrir og náði 2. sæti í mótinu sem er frábær árangur sérstaklega þegar litið er til þess að þær voru að spila gegn mun eldri stelpum. 

Nöfnin á stelpunum ef við byrjum á efstu röð frá vinstri: Margrét Baldursdóttir (Baldurs Ben.), Kristín Júlía Ásgeirsdóttir (Ásgeirs og Huldu), Rebekka Rut (Rósu Daggar), Katrín Ásgeirsdóttir (Ásgeirs Sölva og Erlu), Daníela (Önnu Hermínu og Jóa), Róbert Haraldsson þjálfari. -- 

Neðri röð frá vinstri: Jóhanna Jóhannsdóttir (Jóa Mara), Margrét Thelma. (Vals Bjarna), Ástrós Jóhannesdóttir, (Bjarka og Esterar), Helga Eir (Huldu og Sidda) og framan þær er Selma Dóra markvörður liðsins (Óla og Dóru Sallýjar). 

Á myndina vantar 3 stelpur sem að voru líka að keppa Það voru þær Kristín Margrét, Sabrína og Hrafnhildur. 

Með kveðju, Hulda.