Sunnudagur 8. ágúst 2004  

Pæjumótið að kvöldi laugardags. 

Mikið fjör og mikil kæti var hjá pæjunum og þeirra fólki í gærkveldi, sem lauk með brennu í fjallinu og flugeldaskotum. Logn var og blíða "var að venju".

 Pæjumótið hélt áfram í morgun, ég tók nokkrar myndir fyrir hádegið.

Eftir Hádegið klukkan 13:00 verður slegið upp grillveislu og síðan nokkrir úrslitaleikir og mótslok með verðlaunaafhendingu. 

Smelltu HÉR þá sérðu allar myndir mínar frá mótinu, 502 myndir 

Mánudagur 9. ágúst 2004 

  Ein gömul: 

Háseti á vakt í brú um borð í Haferninum; Gunnar Tómasson.   (1967 ca)

Mánudagur 9. ágúst 2004  

Nú í síðustu viku var sett girðing fyrir aðgengi að gömlu löndunarbryggju SR. Þar hafði áður verið síðustu árin, stór og mikill I-biti til að hindra bílaumferð fram á bryggjuna, en bryggjan er ekki eins traust og áður, og hefur ávalt verið vinsæll staður fyrir dorgara, börn sem fullorðna. 

Einhver hafði dregið bitann frá til að fara á bíl fram á bryggjuna einhverra erinda, en ekki hirt um að setja á sama stað aftur.

Og til viðbótar hafði eitthvert foreldri (?) kvartað yfir því að barn hefði farið með fót niður um einhverja holu sem þarna hefur verið í áratugi vegna dælingar. 

Stundum hefðu foreldri dottið í hug að kenna þriðja aðila um hrakfarir barna sinna. En það vill víst brenna við að sumir foreldrar þakka sér það sem gott er í fari barna sinna, en öðrum þegar illa fer !  

SR brá á það ráð af þessu tilefni að girða alveg fyrir bryggjuna.- 

Nú hefur það sýnt sig að Póseidon hefur svarað kallinu – síldin er komin inn á víkur og vogi og fyrsta Norðurlandssíldin hefur verið söltuð á Róaldaplaninu nýja. 

Það gerðist á laugardaginn við harmónikkuleik og dansi þar sem fjöldi gesta á Pæjumótinu fylgdist glaðir með. 

Það var aflaskipið Viggó SI sem landaði þeim afla. 

Þennan dag var svo lagt síldarnet úti á miðjum firði á vegum Síldarminjasafnsins og sýna meðfylgjandi myndir þegar siglt var að landi og aflanum landað – alls 6 síldum og 9 ufsum. 

Með Örlygi í för var Jón Sigurpálsson, forstöðumaður Sjóminjasafns Vestfjarða á Ísafirði, en báðir eru þeir kunnir sem áhugamenn um veiðar og siglingar þótt landkrabbar séu. 

Á síðustu myndinni, sem þú sérð eftir að hafa smellt á   Myndir HÉR    er Halldór Halldórsson bæjarstjóri á Ísafirði ásamt aflaklónum í táknrænni athöfn þar sem þeir mynda bæjarmerki Siglufjarðar til að minna á gömul vinabæjatengsl staðanna.

(Takið eftir síldarbolnum sem Halldór er í, en þessir glæsilegu bolir eru enn til sölu í Bátahúsinu).

Að lokum skal þess getið að Örlygur segist binda vonir við að Síldarminjasafnið fái 5-10 tonna veiðiheimild hjá Sjávarútvegsráðuneytinu svo safnið verði sjálfbært með söltun og vinnslu á silfri hafsins. GR       

 Þriðjudagur 10. ágúst 2004  

Ein gömul: 

Ágúst Vilhelmsson og Agnar Þór Haraldsson um borð í Siglfirðing (?)    

Ljósmynd: Kristinn Steingrímsson

Föstudagur 13. ágúst 2004 

Ein gömul:  

Óskar Berg Elefsen - Hersteinn Karlsson og Ámundi Gunnarsson. (S.R.ingar) 

Föstudagur 13. ágúst 2004 

S.R.-Vélaverkstæði. 

Ég leit inn á gamla vinnustaðinn minn í morgun og rabbaði við félaga mína, hér er mynd af tveim þeirra; 

Elvar Elefsen og Heimir Birgisson 

Föstudagur 13. ágúst 2004 - 

Klukkan 17:30 -

 Einmuna blíða hefur verið í allan dag. 

Strax í morgun um 9 leitið fór hitinn yfir 20 °C og algjört logn. Um 15:00 leitið tók sunnan gola við og þá hlýnaði verulega. 

Um klukkan 16:00 sýndi hitamælir minn, sem er í tveggja metra hæð og í  skugga frá sólinni, í 28,4 °C og hitamælirinn í bíl mínum á ferð (35 km. hraða) niður á bæ stuttu síðar sýndi 28,3 og um klukkan 17:30 tók ég meðfylgjandi mynd af mælinum við Sparisjóðinn, ég rétt missti af myndatökunni þegar sami mælir stuttu áður sýndi 27 °C Þetta eru góð skipti á þokunni sem hefur angrað okkur síðastliðna þrjá daga, -- við sendum þokuna suður. 

Laugardagur 14. ágúst 2004  

Ein gömul: 

Stefán Benediktsson og Hafþór Rósmundsson