Lífið 15.-21. des 2003

15. desember 2003  

Þeir vinna hörðum höndum, á vélum sínum í fjallinu, við gerð snjóflóðavarnargarðana, karlarnir frá Suðurverk. 

Þrátt fyrir snjó sem komið hefur undanfarna daga í fjallið, láta þeir engan bilbug á sér finna. 

Þarna eru þeir í gærkveldi, að borða kvöldverð á Kaffi Torg. 

Þeir fengu sér að þessu sinni pizzur, til tilbreytingar. 

15. desember 2003  

Deild verslunarmanna, innan Verkalýðsfélagsins Vöku, hélt Aðalfund sinn, í einum af sölum Kaffi Torg (Bíó Café) í gærkveldi. -  

Ný stjórn var kjörin eins og venja er á aðalfundum. 

Þessi þrjú hlutu einróma kosningu; Hulda Ósk Ómarsdóttir, Guðmundur Gauti Sveinsson formaður og Agnes Björnsdóttir. Varamenn voru kjörnir Ólöf Ingimundardóttir, Rut Hilmarsdóttir og Guðrún Jakobína Ólafsdóttir. 

Myndir frá fundinum. 

15. desember 2003  

Ég átti erindi til hennar Beggu meinatækni, vegna "blóðsýnatöku" klukkan 8 í morgun og notaði tækifærið og tók myndir af öllu því starfsfólki, sem til staðar vöru á Heilbrigðisstofnuninni. 

Þessi mynd er af stöllum áður en opnað var, í morgunkaffi. 

Smelltu HÉR til að sjá hinar skvísurnar, og þá fáu karlmenn sem til staðar voru.
(þetta er kvennaveldi !) 

15. desember 2003  

SiglóMyndir.

 Loksins-loksins, lét hann verða að því drengurinn. 

Nú lét Þórleifur Haraldsson, eigandi SiglóMyndir ehf. verða af því að kaupa sér græjur svo hann geti sinnt viðskiptavinum sínum betur, og nú með því að geta tekið beint á móti kortum úr stafrænu myndavélunum og eða CD diskum og prentað allar stærðir með fullkomnum gæðum allt upp í A3  stærð. (21x42 cm.) 

Og auðvitað getur hann einnig komið "filmunum þínum yfir á CD diska". 

Það tekur strákinn smá tíma að læra á ósköpin, en þetta eru topp græjur, og það kemur. 

16. desember 2003  

Rigningin undanfarið, hefur valdið því að jarðvegurinn sem Suðurverk hf. hefur flutt til úr fjallinu, sunnanverðu til svæðisins norðan, ofan Strandarvegar, sígur jafnt og þétt niður hlíðina og oft á tíðum yfir veginn.

Nú í morgun í rigningunni, var unnið að því að grafa skurð fyrir ofan veginn og flytja moldina út eftir og niður í Selgilið, þar sem hluti af leðjunni fer til sjávar. 

16. desember 2003  

Vorið 1970 ? 

17. desember 2003  

Ljósleiðarinn, sem liggur upp í tækjahús Landssímans uppi á Hvanneyrarskálarbrún, slitnaði í gærmorgun, og sjónvarp og útvarp til Siglfirðinga rofnaði af þeim orsökum. 

Það er að segja við náðum Ríkisútvarpinu en ekki Skjá 1, Bylgjunni og Stöð 2. Ástæðan fyrir biluninni var sú að verið var að moka snjó af veginum sem liggur upp í Hvanneyrarskál, en þar sem búið var að undirbúa veginn, vegna lagfæringa sem gera á á veginum í vor, þá var grynnra niður á ljósleiðara strenginn og tönn snjómokstur tækisins, náði að krækja í hann inn með vegakantinum. 

Síminn brást fljótt við og sendi lið til viðgerða, en ljóst er að viðgerðin kostar nokkur hundruð þúsund krónur. 

Sjónvarpið komst á um kl 20:00 í gærkveldi, en í morgun var verið að ganga tryggilega frá ljósleiðaranum.     (Myndin er tekin sl. sumar) 

17. desember 2003 

Kaffihlé í Mjölhúsi SR46 árið 1963: 

Símon Gestsson Barði, Friðrik Stefánsson í Bakka, Sigfús Ólafsson, Ólafur Eiríksson, og Ragnar Kristjánsson. 

18. desember 2003  

Aðsent:  Heill og sæll Steingrímur

Ég vil byrja á að þakka þér kærlega fyrir vefinn sem ég skoða daglega og er kærkomin viðbót við Helluna til að fá fréttir frá Siglufirði. 

Ég er með jólakveðju frá saumaklúbbnum mínum sem er einn af fjölmörgum Siglufjarðarsaumaklúbbum. 

Við höfum hist í mörg ár og gert allt annað en að sauma og árlega hittumst við og höldum jólasaumó. Sá klúbbur var haldinn hjá mér í Mosfellsbænum í gær og buðum við með okkur gestum (frá Siglufirði, nema hvað) því þrír meðlimir klúbbsins, þær Rikka, Hulda Alfreðs og Steina Matt eru fluttar aftur norður á Siglufjörð. - 

Við sendum okkar bestu kveðjur til allra Siglfirðinga og sérstaklega til okkar elskulegu saumaklúbbs vinkvenna.   Sjöstjörnur;  (Herdís Sigurjónsdóttir)  ----- 
Kærar þakkir, S.K. 

18. desember 2003  

Hátíðarfundur, var til að minnast 120 ára skólastarfs á Siglufirði og í dag 18. desember eru nákvæmlega 90 ár síðan barnaskólahúsið (1.hluti) var vígt. 

Einnig var fundurinn í dag 150. fundur skóla- og menningarnefndar.  

Myndir HÉR      

19. desember 2003  

Einu sinni var, ekki þó alls fyrir löngu, 15 sentimetra lagís á firðinum okkar. 

Það var árið 1968, og þetta er Haförninn, nýkominn að bryggju, eftir að hafa átt í langri baráttu við hafís fyrir öllu Norðurlandi. 

Haförninn kom með olíu til Siglufjarðar, sem og á fleiri hafnir fyrir vestan og norðan. 

20. desember 2003 

þessi eru komin í jólaskap, starfsfólk hjá Sparisjóðnum, Iðgjaldaskráningu.  Ég tók þessa mynd í gær seinnipartinn.   

Öll eru þau titluð sem bankaritarar að Magnúsi undanskildum.

Aftari röð frá vinstri: 

Vilmundur Ægir Eðvarðsson, Sigurlaug Þóra Guðbrandsdóttir, Ingibjörg Jósefína Benediktsdóttir, Margrét Ósk Harðardóttir, Stefán Gauti Stefánsson, Perla Fanndal, Magnús Stefán Jónasson deildarstjóri, Pálína Kristinsdóttir, Sigurbjörg Björgvinsdóttir, Telma Björk Birkisdóttir, Helen Svala Meyers, Sigríður Fanný Másdóttir, Sigurlaug Ragna Guðnadóttir, Daníel Pétur Daníelsson 

20. desember 2003  

Hin hefðbundna, jólatré og grenisala Lionsfélaga er nú á fullu. 

Þegar ég kom þar við í kvöld., var Jón Dýrfjörð að kaupa grenigreinar og jólatré. 

En kempurnar Jón Hólm, Jón Sigurðsson og Hörður Hjálmarsson voru á vaktinni vegna sölunnar að þessu sinni.  

21. desember 2003  

Svolítið meiri snjór í desember 1976(?) heldur en núna. 

21. desember 2003  

Skíðasvæðið í Skarðsdal var opnað í dag. 

Ég frétti að vísu af því fyrir tilviljun um 14:30 í dag, er farið var að rökkva og flest skíðafólkið farið heim , af þeim 15-20 sem þar mætti. 

Ég tók þó mynd af starfsmönnunum tveim, og tveim ungum snótum, sem voru himinlifandi yfir aðstæðunum. -  

Ekki þurfti að moka veginn á leiðinni upp að skíðasvæðinu og öllum bílum fært, þá var nægur snjór á svæðinu fyrir ofan skíðakofana.