Mánudagur 14. mars 2005   -- 

Félag eldri borgara á Siglufirði og í Fljótum, hélt kynningarfund fyrir 60 ára borgara og eldri, með rausnarlegum kaffiveitingum, tertum og góðgæti í boði Kvenfélagsins Von.  --   Ýmislegt var til skemmtunar, einsöngur, danssýning og fleira, auk almennra fundarstarfa.    Kona mín var þar mætt með myndavélina.    Smelltu HÉR

Mánudagur 14. mars 2005  --  Ein gömul: 

Jólaskrauti komið fyrir um borð í Haferninum, jólin 1967 -    Einhversstaðar undan ströndum Frakklands.(?)  Guðmundur Björnsson háseti og Snorri Jónsson rafvirki. 

 Mánudagur 14. mars 2005 --  Ísrek inn á Siglufjörð, 

Ísinn sem kominn var inn fjörðinn í gærkveldi virtist í myrkrinu séð frá svölum mínu, var fljótt á litið ekki mikill, en var meiri en það sem ég hafði ályktað.  Það kom í ljós í birtingunni og megnið komið inn í Hvanneyrarkrók og meðfram ströndinni syðst. Þessi mynd var tekin frá svölum mínum klukkan 08:15 í morgun.

 Þetta eru ekki mjög stórir jakar, samanburðinn má sjá á kollunni sem er þarna rétt fyrir framan.

Mánudagur 14. mars 2005  

Kaupmannafélag Siglufjarðar tilnefnir Mann mánaðarins Þórarinn Vilbergsson og Fyrirtæki mánaðarins: DB Fisk ehf 

Þriðjudagur 15. mars 2005  -- Ein gömul:   Svo eru menn að kvarta yfir smá éljum í dag og nokkra sentimetra snjólagi. Svona var venjulega umhorfs á veturna hér áður fyrr, en þessi mynd er tekin 15. mars árið 1967- Það er fyrir 38 árum, á Hvanneyrarbrautinni.   Séð til norðurs 

Þriðjudagur 15. mars 2005 

Ef þér leiðist, og þig vantar eitthvað spennandi til að skoða, þá skaltu skella þér á þessa síðu. https://tellmewhereonearth.com/Web%20Pages/Zany/Zany_Page_1.htm 

Þessi síða er erlend, og er með aragrúa tegunda mynda, þrauta, skrítnar myndir og helling af tenglum til svipaðra myndefna. 

Byrjaðu á því að skoða meðfylgjandi mynd og vittu hvort þú getur ekki lesið eitthvað út úr henni, sem ekki sést í fljótu bragði 

 Miðvikudagur 16. mars 2005 

Menningarsjóður Sparisjóðs Siglufjarðar úthlutaði í gærkvöld á Kaffi Torg úr menningarsjóðinum samtals 1.850.000 krónum. 

Upphafsorð Ólafs Jónssonar; útskýringar ásamt lista yfir styrkþegana er neðst á þessari síðu   

    Og slatti af myndum HÉR 

Miðvikudagur 16. mars 2005    Aðsent: 

  Hrönn Einarsdóttir sendi mér þessa mynd seint í gærkveldi. 

Hún hefur greinilega gott auga fyrir myndefninu.  Hún notar þarna sólarbirtuna og skugga til að gera mynd sína áhrifameiri. 

 Fimmtudagur 17. mars 2005   Ein gömul: 

Texti með mynd: Leó R Ólafsson:  Eld-gamla Apótekið. Húsið stóð  á sömu lóð og Bakaríið stendur á í dag. Þetta var upphaflega Aðalgata 28 sem Aage Schiöth keypti og hóf lyfsölu í, en hann lét síðan flytja húsið á baklóð líklega 1929 og taldist það eftir það vera nr. 28b. Hann stækkaði það til norðurs að lóðarmörkum og byggði svo hús það sem nú stendur á lóð nr 28 sem upphaflega hýsti apótekið, þá rafmagnsverkstæði Ingólfs, svo Diddabúð og síðast bakaríið, en ég keypti húsið árið 1981. Einhverju síðar var svo skúrinn byggður milli húsanna og tengdi þau saman og í honum og gamla húsinu á myndinni var gosverkssmiðjan góða sem við Siglfirðingar munum sumir eftir. Áður en hann hóf að byggja nýja húsið hafði hann makaskipti á lóðum við Lárus Blöndal þannig að hann fékk ræmu af Aðalbúðarlóðinni við Aðalgötu og lét í staðinn mun stærri lóð við Grundargötu og þar er nú meðal annars bílastæði sem tilheyrir Aðalbúðinni. Þetta gerði honum kleift að byggja mun stærra og reisulegra hús sem setur mikinn svip á götumyndina enn þann dag í dag. Ég reif milliskúrinn 1982 og síðan gamla húsið 1983 en þá voru báðir þessir hlutar með öllu orðnir ónýtir og reyndar ekkert annað en stór slysagildra. Myndin frá því um 1929 eða fyrr. Heimildarmenn mínir voru aðallega Ingólfur í Höfn og Birgir Schiöth og hafi eitthvað skolast til í áranna rás og þú telur þig geta leiðrétt mig, þætti mér hið besta mál að það yrði gert.  - 

Mínar bestu kveðjur – Leó. -- Ljósmynd: Kristfinnur Guðjónsson.

Fimmtudagur 17. mars 2005 

Samgönguráðherra boðar til opins fundar þann19. mars klukkan 14:00 um samgöngumál í Bátahúsinu - Með honum kemur Jón Rögnvaldsson vegamálastjóri og Hreinn Haraldsson framkvæmdastjóri Vegagerðarinnar. Þar verða til umræðu jarðgangamál og fleira. 

 Föstudagur 18.. mars 2005  -- Ein gömul: 

Snjó mokað af mjölhúsþaki S.R.P. í aprílmánuði árið 1976     Á myndinni eru: 

Jón Sigurðsson frá Skarðdal, Jón Kristjánsson og Njáll Jónasson