Sunnudagur 25. júlí 2004 

100 ára afmælishátíð Síldarævintýrisins. - 

Heimsókn forseta Íslands: 

Ólafur Ragnar Grímsson og kona hans Dorit Moussaieff - 

Vígsla kirkjutröppunar: Páll Samúelsson. - Heimsókn í Síldarminjasafnið. - 

Norskt fólk í heimsókn, ráðherrar og fleiri.- Íslenskir ráðherrar -  Veisla ofl. 

241 ljósmynd frá viðburðaríkum degi.  Þær sérðu með því að smella HÉR

 Sunnudagur 25. júlí 2004  

Sauðarnesviti við Siglufjörð. 

Vitavinafélagið lauk dagskránni vegna 100 ára afmælisins í minningu Síldarævintýrsins, með því að efna til fundar við Sauðarnesvita. 

Siv Friðleifsdóttir umhverfisráðherra flutti ávarp, formaður Félags Vitavina á íslandi einnig. 

Þá var þar staddur meðal fleiri Norðmanna, formaður Vitavinafélags í Noregi og fleiri. Ómar Hlynsson trúbador söng- og gestum var boðið upp á kaffi og meðlæti og krökkum svalandi drykki. Auk þess gafst gestum kostur á að skoða vitann. 

Smelltu HÉR til að skoða myndir

Þriðjudagur 27. júlí 2004  

Aðsent:  -- Afkomendur frumkvöðulsins. 

Sá sem var fyrstur Norðmanna til að byggja söltunarstöð og salta fyrstu síldina hér á Siglufirði 8. júlí 1903 hét Hans Söbstad frá Kristiansundi. Hann er sem sagt maðurinn sem stóð á bak við atburðinn sem leikritið Silfur hafsins er byggt á.Margir afkomendur Söbstads komu hingað frá Noregi og voru á hátíðinni okkar um síðustu helgi. Á myndinni eru Harald Söbstad (sonarsonur Hans Söbstads), Hedvig kona hans, Unne dóttir þeirra og Björn sonur Unne.Þrír aðrir Söbstaðar voru hér auk Haralds og gistu þau öll á Bjarnargili í góðu yfirlæti hjá Sibbu og Trausta og var þar sannkölluð ættarmót stemning hjá þeim Söbstödum sem hittast annars sjaldan. Og ekki var síðri ánægja þeirra með allt sem þeir sáu og reyndu á hátíðinni sjálfri. Nafn Hans Söbstads, þessa frumkvöðuls í atvinnusögu Siglufjarðar og raunar alls Íslands, ber okkur að muna. Saga hans er mjög merkileg og raunar dramatísk á margan hátt.Þeir helstu sem komu á eftir Söbstad í síldarútveginum á Sigló voru þeir Thormod Bakkevig, Hendrik Hendriksen, Edvin Jakobsen, Olav og Elías Roald, Olav og Gustav Evangersbræður og Ole Tynes.  - ök 

 Miðvikudagur 28. júlí 2004   - Undanfarnar vikur hefur borið nokkuð á því að smásteinar upp í hnullungar, hafa hrunið á vegin undan skriðunum við Siglufjarðarveg, raunar hafa vegagerðarmenn vitað af þessu og orðið þeim nokkuð dýrkeypt, þar sem einn vegagerðar bíllinn losnaði úr handbremsu og rann útaf og niður í fjöru á meðan vegagerðarmaður var að hreinsa grjót af veginum. 

Minnugur þess atviks, þá stöðvaði ég vélina í bíl mínum (ég var á leið til Varmahlíðar) og gerði viðeigandi ráðstafanir er ég fór úr bíl mínum síðastliðið sunnudagskvöld til að henda um 20 kg. grjóti sem var á nær miðjum veginum ásamt smágrjóti þar í kring. 

Ég ætlaði að minnast á þetta grjóthrun sl. mánudag en hreinlega gleymdi því þar til í gærkveldi að ég heyrði sagt frá því að Bás ehf. hefði verið beðinn í dag að hreinsa rásirnar ofan við veginn sem eru/voru orðnar fullar af grjóti.  Rásirnar sem upphaflega voru gerðar til að taka við grjóthruni og hindra að það færi á sjálfan veginn. 

Ég frétti jafnframt að það hefði verið Kristján Möller sem hefði haft samband við Vegagerðina og bent þeim á þetta ástand. - Og Vegagerðin brást skjótt við og samdi við Bás um að hreinsa rásirnar. 

Fimmtudagur 29. júlí 2004  

Ein gömul: Steypuvinna við þakið á Sigló,  húsinu sem í upphafi bar nafnið Sigló Síld og fleiri nöfn en er nú eign Þormóðs ramma Sæberg.  (2015>)

Á myndinni eru Guðbrandur Sigurbjörnsson, Albert Sigurðsson og Ólafur Bjarnason. 

 Fimmtudagur 29. júlí 2004  

Arnar Heimir Jónsson fór með mig í garðaskoðun í gær og tók ég við það tækifæri nokkrar myndir af fallegum trjám í bæjarlandinu. 

Ég er að vísu enginn garða áhugamaður sjálfur, en til að lesendur síðu minnar sem áhuga hafa á garðrækt og gróðri njóti þekkingar hans, þá tók ég boði Arnars fegins hendi . S.K.

Ég gef honum hér með orðið: Nokkrar tegundirnar eru sjaldgæfar norðanlands, en aðrar hafðar með til fróðleiks og er þessi listi ekki tæmandi yfir falleg tré í bænum. 

Ráðgert er að fara aðra ferð við tækifæri og eru allar ábendinga vel þegnar. A.H.J. --   

Smelltu HÉR og skoðaðu fleiri myndir og textann sem þeim fylgir. 

Föstudagur 30. júlí 2004   

 Síldarævintýri: Veðurblíða

Þessi mynd er tekin klukkan 08:30 í morgun. 18 °C hiti, logn og sólskin. 

Hér er Smábátadokkin fyrir miðri mynd og tjaldsvæðin við Torgið fullsetin Nægt pláss er þó enn á hinum svæðunum.

Ræst var í morgun klukkan 06:00 til sjóstangaveiði keppni, og eru bátarnir væntanlegir um kl. 15:00 

 Föstudagur 30. júlí 2004   

 Síldarævintýri: Sjóstangaveiði 

Vel aflaðist þó aflinn væri bæði misjafn hvað magn og stærð fiskjarins var. 

En greinilegt var á andlitum stangveiðimanna að þeir voru ánægðir með ævintýrið sem og aflann sem þeir komu með að landi, á hinu árlega Stangveiðimóti um Verslunarmannahelgina.

Ég tók nokkrar myndir þegar komið var að landi 

 Laugardagur 31. júlí 2004  

Síldarævintýrið, Torgið og.  

Töluglöggir menn giskuðu á 4000 manns komna í bæinn um kl: 16:00 í gær föstudag- og stöðugur straumur bíla var á leið inn í bæinn. 

Samkvæmt upplýsingum vegakorts Vegagerðarinnar höfðu tæplega 700 bílar farið um Siglufjarðarveginn vestan Strákagana frá miðnætti fimmtudags/föstudags um kl.17:00. 

Fólkið sem komið var ásamt heimamönnum spókuðu sig léttklædd um svæðin í veðurblíðunni og eða slappaði af. 

Veður var hið besta hressandi gola 5-6 m/s - 18-24 °c hiti, eftir því hvort sólin náði til að verma umhverfið, en ekki var stöðugt sólskin. 

 Eftir klukkan 21:00 í gærkvöld. ---- 1060 bílar höfðu farið um Siglufjarðarveg vestan Strákaganga, síðasta sólarhring. - 

Margar myndir frá Torginu og nágrenni koma í ljós ef smellt er HÉR