Lífið 1.-6. Nóvember 2004
Fréttavefurinn Lífið á Sigló
1. til 6. nóvember 2004
Mánudagur 1. nóvember 2004 -- Fiskað í soðið: Örlygur Kristfinnsson, safnvörður og kona hans Guðný Róbertsdóttir að leggja í´ann til fiskjar í soðið, í blíðunni í dag.
Sveinn Þorsteinsson
Mánudagur 1. nóvember 2004 -- Flutningaskipið Sunna var lestað frá Síldarvinnslunni, loðnumjölsfarmi í morgun.
Sveinn Þorsteinsson
Þriðjudagur 2. nóvember 2004 Veðrið klukkan 15:00: Hiti 9,2 °C Sunnan gola Úrkomulaust.
Í nóvember 2004 fór „Lífið á Sigló“ að birta daglega myndir sem teknar voru á hverjum degi, ásamt helstu upplýsingum um veðrið. Ég held því ekki áfram nú á þessari endur uppfærslu til að spara plássið hér hjá Google --
Ljósm: Sveinn Þorsteinsson
Miðvikudagur 3. nóvember 2004 -- Ein gömul: Kabarett Tónskólans og Lúðrasveitar Siglufjarðar. Myndin er tekin í Nýja Bíó á Siglufirði 16. mars 1963
Miðvikudagur 3. nóvember 2004 - Morgunblaðið fyrir 50 árum. Frétt frá Siglufirði og mynd sem ég átti í fórum mínum, tengdum þessum atburði fyrir 50 árum, árið 1954.
Á myndinni eru Matthías Jóhannsson, Gísli Sigurðsson og Júlíus Jóhannsson, skipverjar á Elliða- og fálkinn umræddi.
Miðvikudagur 3. nóvember 2004 -
Starfsmenn Bás ehf voru í morgun að ganga frá eftir sig eftir skurðgröftinn og röralagnir fyrir framan verslunina Samkaup og voru að leggja að nýju gangstéttina þar fyrir framan.
Fimmtudagur 4. nóvember 2004 - Ein gömul: Frá kabarett Tónskólans og Lúðrasveitar Siglufjarðar. -
Kristján Sigtryggsson - Hafliði Guðmundsson - Hallur Óskarsson - Sigursveinn D Kristinsson og Geirharður Valtýsson (Gerhard Schmidt)
Myndin er tekin í Nýja Bíó á Siglufirði 16. mars 1963
Fimmtudagur 4. nóvember 2004 - Það var enginn snjór í byggð í gærdag- og lítið í fjöllunum. En í nótt og lítilsháttar fram að hádegi var smá úrkoma og él, sem nægði til að klæða bæinn í mildan haustbúning. Myndin var tekin klukkan 13:15 í dag.
Föstudagur 5. nóvember 2004 - Ein gömul: Skarðsmótið 1963,
Bjarni Þorgeirsson - Gunnar Þórðarson og Ólafsfirðingurinn Svanberg Þórðarson skíðakappi.
Föstudagur 5. nóvember 2004 - Aðsent: Betur sjá augu en auga.
Ég (SK) fékk mér smá reisu að venju, en ég fór akandi. Vinur minn Júlíus Hraunberg, fór aftur á móti gangandi og hann sendi mér nokkrar myndir sem hann tók á sinni reisu. Myndirnar HÉR
Föstudagur 5. nóvember 2004 - Aðsent: Ég skrapp niður að Hafnarfjarðarhöfn rétt fyrir hádegi í gær- og þar voru kallarnir á Múlanum að landa 40-50 tonnum af karfa og svo náði ég að snapa mér hádegisverð hjá þeim um borð og tók nokkrar myndir í leiðinni um borð og við löndunina. Strákarnir biðja að heilsa heim.
Kveðja, Hjalti Gunnars.
Laugardagur 6. nóvember 2004 -- Tvær gamlar: Húsið sem þarna er verið að- og búið að rífa, var bæði íbúðar og verslunarhús. Einu sinni var þar áfengisverslun, en brauðbúð og mjólkursala var þar síðast, þar til það var rifið. Norðan við stendur svo Kaupfélagið; skó og vefnaðarvörur svo og matvara. Það hús var einnig rifið ekki löngu síðar, en nú er á þessu svæði verslunarhúsið Samkaup. Myndirnar hér fyrir neðan eru teknar 11. og 12. júní 1963
Laugardagur 6. nóvember 2004 Hitabylgja. Talsverð umskipti urðu á hita í nótt og í morgun miðað við hitastigið í gær sem var um og undir frostmarki.
Myndin til vinstri var tekin fyrir hádegið í gær en hin einnig fyrir hádegið daginn eftir . Ljósmyndir: Júlíus Hraunberg og SK