Sunnudagur 24. júlí 2005 

Ein gömul + nokkrar í viðbót.

Myndasúpa, aðallega frá 1968 og 1969, myndir frá Haferninum, Kabarett Sumarvöku í Nýja Bíó og fleiri myndir. 

Margar þeirra hafa ekki komið fyrir almenningssjónir áður og sumar munu koma verulega á óvart: Sannkölluð kokteilsúpa. 

Stúlkurnar hér til hliðar eru EKKI frá Hollywood, heldur Siglfirskar skvísur í góðu stuði. 

Mánudagur 25. júlí 2005  

Frétt um Herhúsið, 

Janne Laine og fleira tengt listmenningu:

       Meðfylgjandi eru tvær myndir af verkum Finnska listamannsins Janne Lain. -- 

Hann hefur sýnt verk sín út um allan heim og hefur unnið að list sinni allt frá Herhúsinu á Siglufirði til Japans, Kína, Afríku og víða um Evrópu.  --- 

Hann var fyrsti gestalistamaðurinn sem dvalið hefur í Herhúsinu. 

Þeir listamenn sem dvelja og starfa að list sinni í Herhúsinu þurfa að vera með uppákomu fyrir bæjarbúa í lok dvalar sinnar sem kemur án efa til með að gefa skemmtilegt krydd í okkar yndislega bæ sem Siglufjörður er. --  

       1. ágúst næstkomandi fæ ég undirrituð afhenda fasteignina að Grundargötu 3. 

Þangað ætlum við Addi maðurinn minn að flytja þegar við erum búin að gera aðeins upp húsið. 

Þar sem ég undirrituð er bæði starfandi myndlistamaður og hönnuður, þarf ég talsvert pláss. 

Teiknistofan mín og myndlistarvinnustofan mín koma til með að vera starfrækt hjá mér á fyrstu hæð hússins. 

 -- Með bestu kveðju Brynja Baldursdóttir formaður Herhúsfélagsins. 

Fimmtudagur 28. júlí 2005  

Í kvöld mun   -  

ÓB kvartett hita upp fyrir Verslunarmannahelgina með söngskemmtun á Kaffi Torg kl 22,00  --  

Gestasöngvarar kvöldsins Helena Eyjólfsdóttir og Fílapenslar

Húsið verður opnað kl 20:30 Miðasala við innganginn, aðgangseyrir kr 1500 ---

Byrjum helgina með stæl og mætum öll 

Fimmtudagur 28. júlí 2005  

Sífellt eykst aðsókn að Síldarminjasafninu. Í gær kom hingað danskur ferðahópur og var þá sérstaklega sett á svið fyrir þá síldarsöltun, sem tókst með ágætum eingöngu með starfsfólki safnsins sem tók að sér hlutverk síldarsaltendanna í stað hinna hefðbundnu þátttakenda, leikara frá Leikfélagi Siglufjarðar. 

Það eina sem ekki var við hæfi var síldin sem Norðlendingar geta vart kallið síld, frekar hornsíli. 

En þegar síldin sem pöntuð var frá Austfjörðum í þessum tilgangi kom,  þá höfðu þeir sent eitt tonn af mjög smárri úrkastssíld, eða það sem Siglfirðingar myndu frekar kalla síli en síld miðað við "gamla daga". 
Skoðaðu nokkrar myndir HÉR  

Föstudagur 29. júlí 2005  

Ein gömul:   Í tilefni af Síldarævintýrinu 2005. 

Þessi drungalegi kofi/hús var einn helsti dvalarstaður óeirðaseggja hér áður fyrr á árunum 1940-1955. 

Til að komast þar inn (fyrir utan óþekktina) þurfti að fara inn í lítið port umlukt hárri girðingu skreyttri með gaddavír, þar fyrir innan voru dyr af einu af hrörlegustu vistaverum þess tíma og kallað var fangelsi lögreglunnar á Siglufirði. 

Oft var þar þröngt á þingi, svo þröngt að mannréttinda postular okkar tíma hefðu farið úr sambandi ef þeir hefðu verið tiltækir á þessum árum. 

Neyðarúrræði lögreglunnar þegar ekki var hægt að troða fleirum þar inn, var að keyra þeim fram á fjörð og láta þá ganga í bæinn til að láta renna af þeim ölvímuna. Það kom nokkrum sinnum fyrir að utanaðkomandi skipsfélagar eða vinir, tókst að "frelsa" fangana sem þar voru, þar sem ekki var föst gæsla þrátt fyrir fangafjölda. - 

Fangelsið var við Gránugötu, sem næst núverandi austurhluta Ráðhússins. 

Föstudagur 29. júlí 2005 

Frábærum tónleikum ÓB kvartetts og  gestasöngvara þeirra Helenu Eyjólfsdóttur og Fílapenslum lauk rúmlega eftir miðnættið í gærkveldi. 

Söngvararnir allir voru margsinnis kallaðir upp til endurtekningar á lögum sínum og var auðheyrt og séð að allir skemmtu sér konunglega. --

 Myndasyrpa frá þessu kvöldi er hér 

Föstudagur 29. júlí 2005  

Stefnir í "örtröð ?" 

Gestum Síldarævintýrsins hefur fjölgað óvenju ört miðað við það hversu snemma fólk hefur komið, en strax á miðvikudag fór fólk að koma  húsbílum og tjöldum fyrir á tjaldsvæðum í miðbænum við torgið og fleiri staði. 

Þessi mynd var tekin í morgun af svæðinu sunnan við Torrið. 

Nægt pláss er þó á öðrum svæðum inni í bænum sem eru víða ætluð tjöldum og húsbílum - og þá er ótalið svæðin inni við Hól og sunnan við Stórabola. 

En Það er pláss fyrir 10 þúsund gesti á öllu svæðinu svo ekkert þarf að óttast um að ekki verði pláss fyrir alla -- og dagskráin er mjög fjölbreytta : Ekki lengur aðgengileg, sem var á siglo.is 

Laugardagur 30. júlí 2005  

Gústi guðsmaður: 

Myndlíkan sem tileinkað er Gústa guðsmanni var afhent í gær sem gjöf til Síldarminjasafnsins, frá listamanninum Aðalheiði Eysteinsdóttur, Siglfirðingi hf, Íslandsbanka og Sparisjóði Siglufjarðar. 

Þetta listaverk, ásamt fleirum eftir Aðalheiði. hafa verið til sýnis á safninu í sumar.

Myndin sýnir fulltrúa Siglfirðings hf. Sigþóru Gústafsdóttur, Hörð Júlíusson útbússtjóra Íslandsbanka, skúlptúrið "Gústi" - listamanninn Aðalheiði og Örlyg Kristfinnsson safnstjóra við afhendinguna. 

Fulltrúi Sparisjóðsins var fjarverandi 

Laugardagur 30. júlí 2005 

Í morgun klukkan 10:25 fóru þrír hjólreiðakappar af stað frá Torginu á Siglufirði í hringferð í leiðina út úr bænum í norður, gegn um Strákagöng,  vestur með Strákafjalli að gatnamótunum við Skarðsveg og þaðan upp  og yfir Siglufjarðarskarð og niður Skarðsveginn til Siglufjarðar aftur. 

Á myndinni sitja hjólreiðamennirnir á knöpum sínum, en á myndinni eru:

 Tómas Möller - Baldvin Einarsson (hvatninga aðilinn) - Theodór Sólonsson -  Sigrún, sem fylgdi þeim eftir á bifreið og Pálmi Bjarnason - 

Ég er ekki viss um hvort nöfnin eru í réttri röð, en allir þekkja Baldvin (á stuttbuxunum) og fylgdarmaðurinn Sigrún fer ekki á milli mála, þó svo ég hafi ekki föðurnafn hennar við höndina. 

Sunnudagur 31. júlí 2005  

Hlaupið í Skarðið -- 

Sunnudagur 31. júlí 2005 

Úra og Gullsmíðasafn Hafdísar K Ólafsson. Eyrargötu 16 -- 

Þangað kom ég við í gær til að skoða hið umfangsmikla safn hennar, sem í raun er aðeins lítið brot af þeim munum sem hún hefur safnað.  En safnið það er staðsett þar sem áður var úrsmíðaverkstæðið og verslunin KR. BJÖRNSSON GULLSMIÐUR  Þarna er ógrynni allskonar úra, klukka, silfur og gullmuna og fleira augnakonfekt.  -- Safnið verður opið um tíma frá klukkan 13 - 16 á daginn. 

Á myndin til lengst til vinstri er Hafdís að sinna gestum sem jafnframt skrifa í gestabókina á næstu er Júlíus Jónsson að glugga í úrið sitt sem hann fékk í fermingargjöf á sínum tíma, en faðir hans var gullsmiður og vann þarna hjá föður sínum ásamt bróðir Svavari, á næstu mynd er Hafdís inni á gamla smíðaverkstæðinu. Þá er þarna hluti af klukkusafninu og síðan skiltið sem áður var fyrir ofan innganginn.

Sunnudagur 31. júlí 2005    -  Hvanneyrarskál - Síldarævintýrið 

Fjallahringurinn og byggðin kynnt fyrir gestum : Hreinn Júlíusson - og smá bænastund með séra Sigurði Ægissyni  í morgun klukkan 11:30 - 13:00  

Blíðskapa veður, hiti og sól. Það eina sem vantaði var magnarakerfi eins og verið hefur til reiðu undanfarin ár - en af einhverjum sökum hefur stjórnendum Síldarævintýrsins ekki komið búnaðinum á vettvang, sem háði það mjög heyrnadaufum og þeim sem fjærst voru, vegna þess fróðleiks sem sumir misstu af þegar Hreinn Júlíusson miðlaði gestum nöfnum og kennileitum fjallahringsins okkar og fleira bænum tengt.  -  

Og einnig háði það bænastund þeirri sem Sigurður Ægisson stjórnaði.  

En allir nutu þó þessarar heimsóknar í Hvanneyrarskálina.

Myndasyrpa HÉR