20. júní 2004   

Ein gömul:  Þeir sem eldri eru ættu að muna eftir og vita hvar þetta hús var - og hvaða starfsemi er þar nú í dag á svæðinu  og öllu eldfimara að líkindum hvað innihald snertir en þetta hús, þó það hafi brunnið glatt- og nær óáreitt til kaldra kola. Húsið hét ?   

Einco hét húsið og í því var kveikt af Slökkviliði Siglufjarðar og notað í því sambandi til æfinga fyrir starfsmenn 

20. júní 2004  

Sagt var frá því í gær að Sigurvin hefði farið til aðstoðar bát sem leki hefði komið upp hjá, sem betur fór varð komið fyrir lekan með aðstoð nærstands báts sem hafði dælu um borð og lánaði hana. 

Allt gekk að óskum og viðkomandi bátur komst án frekari aðstoðar til sinnar heimahafnar og Sigurvin snéri við til Siglufjarðar. 

 21. júní 2004 

Ein gömul: 

Hafliðaplan. 

Á myndinni eru ma. Eyvindur Júlíusson, Katrín Guðmundsdóttir og Ásgrímur Sigurðsson. 

21. júní 2004  

Að gefnu tilefni !   Þegar allt er orðið grænt, það sem á annað borð á að vera grænt samkvæmt lögmálum náttúrunnar og ætluðum mannanna verkum hvað gróðurinn varðar. 

Þá er það víst, að eitthvað hefur farið úrskeiðis hvað varðar gróðurinn, það er þau fræ sem notuð voru til að koma af stað grænu grasi (væntanlega) í hlíðum og nágrenni bolanna tveggja. 

Grasið sem spratt í fyrstu var grænt og lét garðana falla svo vel inn í umhverfið að ókunnir sáu vart að þetta var ekki náttúrunnar verk. En nú er þarna grámygluleg sina. Vonandi tekst betur með frævalið við hina garðanna. Ekki veit ég um orsök þessa, enda lítið hneigður til garðræktar - (er hrifnari af malbikinu.) En þetta stingur óneitanlega í augu. 

Hvernig væri að sá þarna lúpínufræi og í væntanlega garða einnig?. Lúpínan hefur sýnt það að hún er lífseig og fljót til og ekki ljótari þó síður væri, en grasið GRÆNA. S.K. 

22. júní 2004  

Ein gömul: 

Páll Hlöðversson, Jón Rögnvaldsson og Helgi Magnússon (1965) 

22. júní 2004  

Þessa mynd hér til hliðar, og  fyrir neðan, sendi Sveinn Þorsteinsson mér, en hann tók þær um klukkan 23:00 í gærkveldi. 

Þetta munu vera Þjóðverjar, sem hafa komið sér þægilega og vel fyrir í lognmollunni og 15 °C hita vestan við Strákagöng til að njóta sólstöðunætur. 

22. júní 2004   

Ég nefndi hér á dögunum  (15. júní) hvað það væri gott að hafa vefmyndavél í kirkjuturninum og hvatti einhverja til að gera eitthvað í málinu. - 

Mörg og mikil viðbrögð urðu við þessu erindi, það er í orði auglitis og í fjölmörgum tölvupóstum. -- Allir voru á einu máli um hvað þetta myndi vera skemmtilegt, raunar nauðsynlegt einnig. -- En enginn gat áttað sig á hver ætti að hafa raunverulega forystu um málið.-- Einn taldi þetta óraunverulegt vegna kostnaðar því svona “ævintýri” kosti fleiri hundruð þúsund, jafnvel miljón. --- Ég hafði samband áðan við upplýsinga og kynningarfulltrúa Akureyrarbæjar Ragnar Hólm Ragnarsson-  og spurði hvað ný uppsettur búnaður á Akureyri hefði kostað. Hann sagðist raunar ekki hafa reikninginn fyrir framan sig, en vildi þó fullyrða að myndavélin hafi kostað um 60.000 kr. Síðan kom reikningur upp á 28.700 kr. frá rafvirkja vegna uppsetningar og lagnavinnu. Þá vonast  fulltrúinn til þess að viðhaldskostnaður og rekstrarkostnaður (aukakostnaður) verði enginn, því vélin sé tengd beint inn á netið hjá þeim í Listasafninu. Þetta eru ekki stórir peningar. --  Hver tekur málið að sér? 

23. júní 2004 

Hólsbrúin. kl 14:00 - 

Vegagerðar menn eru byrjaðir að ramma niður 14 stykki 12 m langa steinstaura (um 27 sm. í þvermál) Meðfylgjandi mynd sýnir er sá þriðji var tilbúinn til  "ferðarinnar" niður- og ekki tók nema 10 mínútur að koma þessum 12 metrum á sinn stað, það er um 11,90 m. 

Fyrstu metrarnir runnu ljúflega niður, en síðar fór hann niður sentimeter fyrir sentimeter í hverju slagi "rammbúkkans" 

24. júní 2004 

  Ein gömul.  

Hafnarbryggjan og svæði á Siglufirði 1978 +/- 

24. júní 2004 Þessar myndir,voru teknar í gærkveldi, rétt fyrir kl. 20:00, en Dormier flugvél frá Íslandsflugi magalenti á Siglufjarðarflugvelli. Vélin var að sögn að æfa lendingu og aðflug vegna fyrirhugaðrar heimsóknar Noregsprins.  Sjónarvottum ber ekki saman um ástæður magalendingar, sumir segja nefhjólið ekki hafa komið niður- og enn aðrir fullyrða að ekkert hjól hafi komið niður- og því farið sem fór.  

Plaststykkið á einni myndinni, er merki um fyrstu viðkomu brotlendingar, en brotið var í um 400-500 metra frá þeim stað er flugvélin stöðvaðist. Tveir menn voru í vélinni og hvorugur mun hafa hlotið líkamleg meiðsl. Flugslysanefnd mun hafa komið á vettvang í gærkveldi, en áður voru þar mættir, lögregla, sjúkrabíll, læknar og slökkvilið.

 25. júní 2004  

Flugvélin sem brotlenti á Siglufjarðarflugvelli sl. miðvikudag var hífuð upp og hjólabúnaði náð að smella í sín sæti. 

Vinstra búkhjólið virtist skemmt svo það var tekið undan.  

Áætlað er að koma vélinni út af brautinni að sjónum, en þar verður vélin hífuð um borð í gamlan “innrásarpramma” en  síðar  verður vélin hífuð um borð í skip sem flytja mun vélina suður. 

Að sögn munu báðir hreyflarnir ónýtir, þar sem skrúfublöðin náðu að snerta völlinn. 

Hætt hefur verið við að flytja flugvélina sem "brotlenti" á Siglufirði, sjóleiðis til Reykjavíkur. 

Dæmið var ekki hugsað nema að hálfu ! - en ef skip hefði flutt vélina suður, þá var hvergi aðstaða fyrir sunnan til að koma henni á endanlegan áfangastað vegna þrengsla. Vélin var því flutt að flugskýlinu, þar sem vængirnir verða teknar af henni. 

(Heimild: Starfsmaður flugmálastjórnar) 

26. júní 2004 

  Flugvél Flugmálastjórnar lenti hér um 8 leitið í morgun, en hafinn er undirbúningur á því að taka vængina af Dornier flugvélinni, vegna flutnings hennar landleiðina suður. 

26. júní 2004

  Unnið er hörðum höndum við að ljúka við frágang "kirkjutrappanna" - Meðal annars við tvær tjarnir sem þar eiga að vera miðsvæðis, sitt hvoru megin við tröppurnar. 

26. júní 2004  

Ég mætti á kjörstað klukkan 14:25 í dag, til að velta fyrir mér hvorn þeirra ég ætti að kjósa af þeim tveim sem ég "þekkti" áður en kynning framboða hófst. 

Mér finnst þeir báðir hafa svipaða "kosti" - eða þennan sem ég hafði aldrei heyrt getið um fyrr en nú síðustu vikur.  

Ég tek það fram að ég er hvorki með steinhjarta né skítugt eðli og kaus því það sem samviskan bauð, ekki kött í sekknum. --- 

Mjög lítil kjörsókn hafði verið fram að þess- 

Og eins einn starfsmanna kjörstjórnar sagði: Það kemur einn og einn og enginn á milli. (gamalt Siglfirskt máltæki)  - 

Á myndinni eru: Kjósandi: Sigtryggur Sigurjónsson, - Starfsmenn: Pétur Garðarsson, Rögnvaldur Þórðarson og Sigurður Fanndal. 

27. júní 2004  

Ein gömul: - 

Falskt öryggi. þessir menn sem þarna sjást vinna í 50 metra hæð, við að mála  efsta hluta stóra strompsins við gömlu ketilstöðina. 

Þeir unnu ekki þarna við þessar aðstæður samkvæmt ströngustu reglum um öryggi á vinnustað miðað við árið 2004. 

En þeir kláruðu sitt verk, að þessu sinni a.m.k. Þetta voru erlendir verktakar. 

(starfsmennirnir voru á tréklossum) 

 28. júní 2004 

Gerð var tilraun fyrripartinn í gær  til að hífa flugvélina um borð í prammann, en eitthvað var ekki eins og ætlast var til svo hætt var við að nota prammann og ákveðið að draga vélina eftir "þjóðveginum" í gegnum bæinn niður að höfn. 

Ekki leist mörgum á þessa hugmynd, en leiðin var þó valin. 

Frekar langsótt var ferðalagið, eða rúmir 7 tímar, en "örninn" lenti kl.04:04 eftir miðnætti, eftir allskonar kúnstir, ljósastaurar og umferðarmerki beygð og sveigð, kranahífingar framhjá erfiðustu hindrunum, raunar yfir suma staurana. - 

En gefist var upp á miðri leið, það er við innri höfnina þar sem pramminn áðurnefndi var við bryggju. 

Vélin var hífuð þar um borð, og nú var pramminn nógu stór og leiðin að :- Hafnarbryggjunni gekk að óskum -- Og miðað við allar þrengingarnar, má teljast heppni að ekki kom á vélina hin minnsta skráma.   Myndir HÉR

 29. júní 2004  

Ein gömul: 

Hádegisverður um borð í Haferninum stöddum í höfn í Frakklandi. 

Salmann Kristjánsson, Guðmundur Björnsson, Snorri Jónsson, Hafþór Rósmundsson, Halla Jóhannsdóttir, Birna H Björnsdóttir, þekki ekki baksvipinn og Stefán Árnason. 

Mennirnir á bak við eru erlendir sölumenn úr landi. 

 29. júní 2004  

Blóm á Torginu. Eitt blóm á Torginu virðist fyrir ókunna vera torkennilegt- og margir hafa spurt garðyrkjufræðin bæjarins hvað það heiti. 

Til að bæta úr því þá sendi Arnar mér eftirfarandi:

Sæll Steingrímur, myndin er af plöntu sem kallast Hengibaunatré eða hengi kergi. Þessi planta er með ágræddar greinar í krónuna. Hliðargreinar af venjulegu baunatré er ágrætt á stofninn með þessari skemmtilegu útkomu. 

Þessi planta er náskyld Gullregni sem víða sést í görðum hér í bænum og blómstrar með litlum gulum blómum í júní júlí. Eftir því sem ég kemst næst eru margar tegundir af þessari ætt seltuþolnari en margt af því sem er í görðunum hérlendis. 

Allavega hef ég séð töluvert af gullregni í Vestmannaeyjum á skjólgóðum stöðum. Svo tekur maður pottinn fyrir haustið og setur í skjól eða inn í kalt hús þangað til næsta sumar. Gott er að pakka yfir krónuna með striga fyrir veturinn.  - 

 Kveðja, Arnar Heimir Jónsson 

29. júní 2004    

Aðsent:  

Þarna eru Fríða og Þórunn. - 

Þær eru að gera sig sýnilegar með því að mála gul fótspor í gangstéttina. Þær eru með þessu að auglýsa galleríið sitt og er gaman að kíkja þar inn og skoða það sem þær eru að bralla. 

Ég stóðst ekki mátið að smella af þeim nokkrum myndum í kvöldblíðunni. Galleríið er í Norðurgötu      Kveðja: S.G. 

Fríða Gylfadóttir til vinstri - Þórunn Kristinsdóttir til hægri

29. júní 2004 

  Það fór ekki framhjá Siglfirðingum í dag að Norski krónprinsinn Hákon, heimsótti Siglufjörð ásamt föruneyti.

 Farið var víða um völl í blíðskapar veðri (eins og er alltaf á Sigló !)  

Ég tók góðann slatta af myndum af þessari heimsókn. 

En þar sem magnið er talsvert og mikil vinna eftir, þá hlýtur mér að fyrirgefast að myndasyrpan komi ekki fyrr en á morgun. 

Ekki var Ríkissjónvarpið að flýta sér með sínar myndir með því að sýna þær í kvöld og ekki sá ég Stöðvar2 menn á vettvangi. (?) 

 30. júní 2004  

Ein gömul:  

Kajakar á ferð og á fullu innan um jaka sem voru inni á Siglufirði árið 1963 +/- 

Í fylgd með honum var forseti Íslands Ólafur Ragnar Grímsson og fleiri. 

Á Siglufjarðarflugvelli fór fram stutt móttökuathöfn, þar sem mættir voru fulltrúar úr bæjarstjórn og afmælisnefndar Síldarævintýrsins, sýslumaður ofl. 

Auk þess var þar fjöldi erlendra og innlendra fréttamanna viðstaddir, sumir komu með flugvél rétt á undan krónprinsinum. Þá var ekið niður í miðbæ að Torginu, þar var mikill fjöldi fólks- og áður en varði, var prinsinn og forsetinn ásamt taugastrekktum lífvöðunum nær horfinn í mannfjöldann sem tók gestunum fagnandi, bæði ungir og gamlir. 

Haldið var áleiðis til kirkju, þar sem Sigurður Ægisson tók á móti gestunum. Þá var ekið að Íþróttahúsinu, þar sem Grímur Karlsson tók á móti gestunum og vísaði þeim til hinnar glæsilegu sýningar á bátslíkönum og fleiru tengt sjónum, en Grímur er einn af fáum íslendingum sem stundar (og er fær um) bátslíkanasmíði. 

Þar dvöldu gestir nokkra stund en héldu síðan til Síldarminjasafnsins þar sem Örlygur Kristfinnsson tók á móti þeim og fylgdi þeim um safnið. Þar var boðið upp á kaffi og ekki má gleyma rúgbrauðinu, síldinni og brennivíninu. 

Að því loknu fór fram athöfn í Bátahúsinu, en þar vígði krónprinsinn formlega hið nýja safnhús, Bátahúsið. Heimsókninni lauk svo  formlega á flugvellinum klukkan 16:15 er gestirnir stigu um borð í flugvélina.  

Vel á annað hundrað myndir frá þessari heimsókn sérðu ef þú smellir á tengilinn: Myndasyrpa HÉR

30. júní 2004  

Alvarlegt umferðarslys varð í morgun er lítill fólksbíll fór útaf Suðurgötunni.  

Fimm unglingar voru í bílnum, þar af einn sem sat afturí á milli tveggja félaga sinna án bílbeltis  þar sem það var ekki fyrir hendi. 

Hinir voru í bílbelti. 

Að sögn sjónarvotta mun óvarlegur akstur vera orsök slysins. 

Þeir voru allir í vinnu, en skruppu í bíltúr í "hefðbundinni pásu" Drengurinn sem ekki var í bílbelti var fluttur til Akureyrar í sjúkraflugvél fljótlega eftir slysið, eða rúmlega kl. 9 í morgun.  X  sýnir staðinn þar sem bíllinn kom fyrst niður, en bíllinn var strax fluttur af vettvangi.