Á fundinn mættu til framsögu; Sigríður Anna Þórðardóttir umhverfisráðherra og Halldór Blöndal forseti Alþingis.

Á fundinn mættu um 40-50 manns. Aðeins þrír fundarmanna (úr sal) kvöddu sér hljóðs, en þeim mun ítarlegri voru svörin og ræður fundarboðenda. - 

Jonni vinur okkar tannlæknir, lét sig ekki vanta og hafði mikið að segja, en eftir að hann hafði talað í tvo tíma (fannst mér) og var hann beðinn að stytta mál sitt, sem hann gerði og fékk hann að sjálfsögðu svör við "erindi" sínu.

 Margt athyglivert kom fram á þessum fundi sem lauk með orðunum Sigríðar; "Siglfirðingar geta treyst því að staðið verður við loforðin um Héðinsfjarðargöng" um það voru frummælendur innilega sammála- og Halldór sagðist ekki hætta á þingi fyrr en málið væri komið í höfn.

 Eitthvað þessu líkt hljómaði það í mínum eyrum. 

Ég tók nokkrar myndir á fundinum-

  Sunnudagur 23. janúar 2005 Um þessa helgi hefur stendur yfir svæðamót í sveitakeppni í Bridge þ.e. í Norðurlandi vestra (gamla kjördæminu) keppt var um rétt til þátttöku í undankeppni v/ Íslandsmóts. Spilaðir voru 3 leikir í gær frá kl.10 fh. til kl. 21:00  Eru leiknir 2 leikir og hófst keppnin í morgun kl. 10:00 og áætlað að ljúki kl. 17:00 Spilastaður er Shell húsið við Tjarnargötu rishæð. Úrslitin verða kynnt hér síðar.  

Viðbót við þetta: ÚRSLITIN:   Keppninni lauk seinnipartinn í dag og var í lokin mjög spennandi. Úrslit urðu þau að sveit Eyjólfs Sigurðssonar (tannlæknir Sauðárkróki) sigraði með 108 stigum auk Eyjólfs eru í sveitinni Guðni Kristjánsson (sonur Kristjáns Rögnvaldssonar) Ágúst Sigurðsson, Ólafur Sigmarsson, Jón Örn Berndsen og Ásgrímur Sigurbjörnsson í öðru sæti var sveit Sparisjóðs Siglufjarðar með 107 stig og í þriðja sæti varð sveit Gunnars Þórðarsonar Sauðárkróki með 72 stig. Einnig var reiknuð út meðalskor úr spiluðum leik einstaklinga svokallaður "Butler" en þar varð í efsta sæti með meðal tal 19,60 Kristján Blöndal en hann spilaði í sveit Sparisjóðs Siglufjarðar.   Keppnisstjóri var Sigurður Hafliðason. 

   Sunnudagur 23. janúar 2005  

Eftirlegukindur. Um klukkan 15:00 í dag kom Keilir SI 145 með 25 eftirlegukindur úr Héðinsfirði, þar sem þær hafa haldið sig til þessa. En þar hafa þær verið ýmist innst inni í firði eða meðfram fjörunum. Þær voru í góðum holdum og vel á sig komnar sagði einn bændanna, en meirihluti kindanna mun vera úr Fljótum en restin úr Ólafsfirði.

 Á leiðinni frá Héðinsfirði mættu þeir á Keilir, Sigurbjörgu Óf 1  og náðu þar um borð í tvo mjög þakkláta skipverja sem losnuðu við fleiri hundruð kílómetra akstur í fríið fyrir vikið, en skipið var á leið inn á aðra höfn en Siglufjörð. Kær kveðja frá þeim til Gunna. 

Ég tók á móti mannskapnum, 9-10 körlum frá Siglufirði og eigendum kindanna og tók  nokkrar myndir

 Mánudagur 24. janúar 2005   

Félag eldriborgara á Siglufirði og í Fljótum hélt sinn fyrsta fund á árinu, á hinum hefðbundna stað Skálarhlíð.

 Hin venjubundna dagskrá var við heiðri höfð. 

Almenn fundarstörf, kosning stjórnar og formanns, önnur mál. 

Upplestur; Guðjón Sverrisson, Skálahlíðarkórinn og Himnabandið. 

Svo og kaffi, tertur og fleira góðgæti eins og venjulega. - 

Ég mætti ekki á þennan fund frekar en venjulega, en kona mín Guðný Ósk mætti og tók nokkrar myndir frá fundinum. 

 Þriðjudagur 25. janúar 2005  Ein gömul:     Starfsmannafundur hjá Síldarverksmiðjum Ríkisins 1981 - Þarna voru mættir yfir 60 starfsmenn, boðaðir á kaffifund að Hótel Höfn, af yfirmönnum fyrirtækisins á Siglufirði, Geir Zoega ofl.--  Þarna eru jú einnig mættir starfsmenn SR-Vélaverkstæðis

Hvað ætli allur þessi hópur, þar áður 1930-1940 á þriðja hundrað mans, hafi haft að gera?  

Svarið er "einfalt": Það sem tveir menn á vakt gera í dag á notarlegum stað framan við tölvuskjái, og fáir í viðbót við stjórn, viðhald og eftirlit. Þeim mundi nægja eitt borð til að funda við, ef svo bæri undir. Tímarnir, og tæknin breytist og mennirnir með.    

Þriðjudagur 25. janúar 2005  

Aðsendur  Tengill:  

Sæll vertu !  --  Mér datt í hug að senda þér tengil á myndir sem ég hef sett á netið og eru frá þorrablóti í Fljótum nú á föstudaginn, sem var fjörugt og fjölmennt að vanda.http://www.holmavik.is/skoli/stina_kennari/fljotin/blot2005/index.htm

Bestu kveðjur af Ströndum Kristín Sigurrós Einarsdóttir 

Þar sem helmingur Fljótamanna eru "Siglfirðingar" og hinn helmingurinn hér á Siglufirði eru "Fljótamenn" þá birti ég þennan tengil með ánægju. SK  

 Þriðjudagur 25. janúar 2005 

Guðmundur Ólafur ÓF 91 2329 kom með til löndunar á Siglufirði fullfermi af loðnu. Það var hart sótt í tveggja til þriggja metra ölduhæð og vestan vindur allt upp í 50 m/s, það er "beint" á móti. Skipinu seinkaði um eina klukkustund. Nú er aftur á móti komið logn á Siglufirði og 6 °C hiti (kl. 10:00) 

Þá kom Örn K.E. rétt fyrir hádegið með fullfermi og þá verður aflinn hingað kominn vel yfir 10 þúsund tonnin. Ég tók nokkrar myndir á vettvangi í morgun, og hitti þar meðal annars Björgólf Jóhannsson forstjóra og Jón Már Jónsson verksmiðjustjóra Síldarvinnslunnar, en þeir voru nýkomnir frá Raufarhöfn úr heimsókn þar

 Miðvikudagur 26. janúar 2005  

Ein gömul: 

Þetta er "árgangur 1932"  í boði Bæjarstjórnar, á skrifstofu bæjarins árið 1982.  (Árgangsmót) 

Ég þekki öll andlitin, man nöfn sumra en sum ekki, svo ég nefni engin nöfn að sinni.

 Miðvikudagur 26. janúar 2005  

Að sögn Arnars Jónssonar garðyrkjufræðings Siglufjarðarkaupstaðar, þá fengu Siglfirðingar, Ólafsfirðingar og Hólar, styrk frá Ferðamálaráði Íslands, samtals eina og hálfa milljón króna til að vinna að gerð og útgáfu útivistarkorta með merktum gönguleiðum.

 Útivistarkort: Svarfaðardalur, Ólafsfjörður, Héðinsfjörður.+ Útivistarkort: Fljót, Siglufjörður, Héðinsfjörður, og göngukort af miðjum Tröllaskaga.  

Aðilar innan þessara svæða munu vinna sameiginlega að þessu verkefni. Ljósmynd: Árni/Guðný  ------

 Þá skal þess getið að Sögufélag Siglufjarðar fékk frá Menningarsjóði KEA rétt fyrir síðustu jól, 150 þúsund króna styrk

Fimmtudagur 27. janúar 2005 

Ein gömul:   Bátadokkin 1982 -- 

Ath.; árið 2018

Húsunum efst á myndinni hefur verið breytt í veitingastaðina Hannes Boy og Kaffi Rauðka og húsið lengst til hægri, þarna Sunna, en nú Sigló Hótel -

 Þökk sé þér Róbert Guðfinnsson, fyrir framtakið.

 Fimmtudagur 27. janúar 2005 

Bolludagurinn verður ekki fyrr en 7. febrúar næstkomandi, en Kiwanis konur halda við margra áratuga hefð, með því að búa til og dreifa bolluvöndum. 

Upphaflega byrjaði þetta er Kristine Þorsteinsson (Ólafs læknis) kenndi konum í Kvenfélagi Sjúkrahússins þá list að búa til bolluvendi, en þá voru "teiknibólur" notaðar til að halda "rósavirkinu" saman, en nú nota konurnar trélím.

 Þær búa ma. til um 70 vendi sem fara á leikskólann Leikskálar. 

Þá verða seldir vendir frá þeim í Aðalbakaríinu og á Bensínstöðinni. 

Myndir HÉR

 Fimmtudagur 27. janúar 2005 1. Sólardagurinn (skráður) á Siglufirði er á morgun. Þær Stella Einarsdóttir, Valey Jónasdóttir og Björg Einarsdóttir, byrjuðu að baka sólar pönnukökurnar í dag eftir hádegið. Seinnipartinn verður settur á fullur dampur og margar konur munu bætast við í baksturinn, svo og snemma í fyrramálið hafa þær tæpa tvo tíma til að smyrja og setja rjóma á pönnukökurnar áður en fyrstu kaffitímarnir hefjast, klukkan 09:00. - 

Allir, sem og fyrirtækin geta hringt í síma 467-1815467-1815 og pantað og sótt. Á morgun mun birtast myndasería frá bakstrinum, þegar allt er á fullu. 

(þær vinna ekki hjá Sparisjóðnum þessar, þó halda mætti af húfum og svuntum, þær eru bara slungnar)    Myndir HÉR

 Föstudagur 28. janúar 2005 --      Ein gömul:  

Þennan véla-"sal" hafa ekki margir augum litið, hann var byggður árið 1924, en í dag horfinn með öllu. Þetta er sýningarklefi Nýja Bíós á Siglufirði 1924-1999. Þrisvar sinnum hefur verið skipt um vélbúnað þarna, síðast 1924. 

Þarna er einn af sýningarmönnum Nýja Bíós  Kristinn Steingrímsson, þarna 14 ára gamall að gera vélarnar klárar fyrir sýningu. 

Þessar sýningarvélar voru settar upp árið 1946 og voru vélarnar notaðar þar til bíósýningum var hætt á Siglufirði árið 1999   -Vélarnar voru í fullkomnu lagi allt til þess síðasta, enda vönduð samstæða frá RCA-Brenkert USA.-

 Skoðaðu Bíó-sögu Siglufjarðar