Vel alinn þorskur.

Sigtruggur Kristjánsson

27. nóvember 2003 - Myndirnar hér neðar sýna er verið var að háfa og gera að þorskinum hans "Sidda" Sigtryggs Kristjánssonar, sem verið hefur í flotkví úti á firði í sumar og þorskurinn þar í, beðið daglega eftir að Siddi komi til að fæða þá. Það sést á fiskinum að hann hefur notið ríkulegar fæðu, og nú er komið að skuldadögum, þeirra smákríla 25-50 sentimetra, sem nú eru orðnir af gollþorskum í kvínni, því nú er þeim slátrað. Siddi er með tvær kvíar og áætlar hann að upp úr þessari kví sem nú var losuð, komi 8-10 tonn af þorski.