Mánudagur 1. maí 2006 -- Eins og flestir lesendur vefsins vita, þá snapa ég víða kaffi á vinnustöðum, svona undir því "yfirskini" að ég sé að leita frétta. Nú fer þessum kaffistöðum senn að fjölga þar sem hægt verður að betla frítt kaffi. Sá fyrsti opnaði í dag klukkan 16:00 og verður opinn fram yfir næst komandi kosningar, en þetta var kosningaskrifstofa Sjálfstæðisflokksins. Þeir sem ekki hafa tíma til að líta þar inn, geta skroppið http://firdingur.xd.is/ og fengið þar andlega næringu, í staðin fyrir kaffi og meðlæti. SK

Þessi síðuhluti 1. til 2. maí 2006 er sá síðasti sem til er afrit af, á CD diski.

Fréttavefurinn Lífið á Sigló var skrifaður og unninn með forritinu Microsoft FrontPage – og vistaður í tölvu minni heima og síðan sendur út á Internetið frá sérstökum sörver sem einnig var heima hjá mér við Hvanneyrarbraut 80 á Siglufirði.

Ég hafði lent síðasta árið í miklum hremmingum vegna FrontPage og sem Microsoft aðstoðaði jöfnum höndum, með tölpósts samskiptum, við að lagfærar en að lokum fengu þeir að fara inn á kerfi mitt til að skoða það. Eftir þá skoðun sögðu þeir mér að hugbúnaðurinn FrontPage hafi í uppafi verið hannaður og hugsaður fyrir lítil fyrirtæki og einstaklinga, en því miður gæti hugbúnaðurinn ekki ráðið við hið mikla magn gagna sem ég væri með í gangi.

Þessi gögn mín voru Ljósmyndasafn Steingríms, (síðar nefnt Ljósmyndasafn Siglufjarðar) sem þar var unnið (sett Internetið í janúar árið 1995, fyrstu árin vitaður hjá Tripot í USA) en frá 1997 á sörvernum heima, eins og kemur fram ofar. Síðar kom BíóSaga Siglufjarðar, þá Vegamál tengt Siglufirði, Gamlar Brunasögur, ásamt ýmsu öðru og loks Lífið á Sigló, í júlí 2003 og svo þar á eftir Mjöl og Lýsissaga.

Allt saman unnið með Microsoft FrontPage. -- Árið 2006 varð sú breyting á að með tækniaðstoð frá Starfsmanna SR-Vélaverkstæðis á Siglufirði sem hét Sigurður Kristinsson og var á þeim tíma að setja upp sörver fyrir SR-Vélaverkstæði. (samhliða því að vinna við málmsmíði og viðgerðir)

Ég varð þeim samferða með kaup á nýjum sörverum, þar sem inn var settur nýr hugbúnaður sem notaði Sinuskerfi (ekki hið hefðbundna DOS) fyrir vefsíður mínar Það gekk nokkuð vel, en gallinn var að nú vann ég allt efnið beint á nýja sörvernum (heima að vísu) og sendi svo þaðan út á netið. Ekki virtist hægt að flytja gögn skrifuð í "DOS" Það er frá PC tölvu yfir í Sinustölvu) En gat þó sent gamla vefinn, með krókaleiðum út á netið, samhliða.

Þetta notaði ég allt til 2007-8 en þá samdi ég við Stefnu hf. á Akureyri um hýsinguna, síðar eftir að Róbert Guðfinnsson (Rauðka) bauð mér samvinnu og fjármögnum árið 2008 og í framhaldinu var stofnuðum við fyrirtækið SKSigló ehf. sem alfarið sá um að senda út gamla vefinn ásamt vefmyndavélinni (Veðurstöðina tafðist að koma upp við höfnina eins og til stóð og fór ekki á vefinn eftir það.) frá gamla Ísafoldarhúsinu, síða frá Suðurgötu 10, þar sem starfsfólk og skrifstofa félagsins var.

Upp frá því fór ég að draga mig í hlé frá vinnu við Lífið á Sigló og var raunar aðeins varahjól tæknilega, og lauk þar síðar allri nálgun við vinnu, en var þó skráður áfram í stjórn félagsins, sem svo árið 1915 að það var lagt niður, eftir að við ákváðum (Róbert og ég). Að gefa Síldarminjasafninu allt Ljósmyndasafn Siglufjarðar, sem og var við það sameinað Ljósmyndadeildinni þar og nefnt Ljósmyndasafn Síldarminjasafnsins.

Sörverinn margnefndi hafði bilað nokkrum sinnum og var aftengdur Internetinu. Hvar hann er í dag með dýrmætum fréttaupplýsingum og öðrum gögnum sem hvergi annarsstaðar eru til, er staðsettur, veit ég ekki nú 17. Apríl 2019, þrátt fyrir að hafa margspurt.

Vefurinn sem áður hét. www.sksiglo.is er að heita dauður vefur í dag 2019, sem og fyrirtækið SKSigló ehf. sem var afskráð og er ekki lengur til. Rauðka er í dag með meintan fréttavef, og ber netfangið www.siglo.is

Steingrímur Kristinsson.

E.S: Lítið sýnishorn á því hvernig Fréttavefurinn Lífið á Sigló leit út hér forðum.

Talsvert breitt útlit á uppfærslunni í dag 2003-2006. Þar er ýmsu sleppt, samber veður fréttir, húsamyndir, Vefmyndavél; lifandi mynd á netinu frá ýmsum sjónarhornum, afmælis dagar fólks með kveðjum frá vinum og vandamönnum, nýburamyndir og margt fleira.