Lífið 9.-16. nóv. 2003

9. nóvember 2003

Keilir SI 145 -

Hjalti Gunnarsson sendi mér 33 ljósmyndir, sem hann tók um borð í Keilir SI 145

Myndin hér er af Keilir, mynd sem ég tók snemma í sumar.

Smelltu HÉR

9. nóvember 2003

Þetta hús, Suðurgötu 17 hefur Sigurjón Sæmundsson prentsmiðjustjóri falast eftir til kaups og niðurrifs. Gera má ráð fyrir að samningar um kaupin gangi eftir í þeirri viku sem nú er að hefjast.

Ég hefi áður sagt frá áformum Sigurjóns, að kaupa lóð undir Prentsmiðjusafn. En Sigurjón stefnir á að byggt verði einmitt á þessu svæði, á milli Suðurgötu og Lindargötu, veglegt hús sem hýsa muni Prentsmiðjusafn Íslands, en hann hefur nú þegar fest kaup á lóðinni þar sem "Hólar" stóð á og Sjómannaheimilið.

Heyr fyrir þér Sigurjón.

9. nóvember 2003

Mér var voru sendar upplýsingar um stöðuna við Héðinsfjarðargöng.

----------------------------

Á vef Fáskrúðsfjarðar: http://www.faskrudsfjordur.is/ birta þeir reglulega stöðuna á framkvæmdum við göngin þar, og er það að sjálfsögðu, góð þjónusta.

10. nóvember 2003

Lítið um að vera.

Ekkert fréttnæmt bar fyrir augu mín í morgun, svo ég tók þessa mynd, sem sýnir morgunsólina skína á skýin sem eru yfir og bak við Hólshyrnuna og fjöllin okkar.

10. nóvember 2003

Auglýsing úr Einherja 25. apríl 1945 >>>>>>>>

Aðvörun

Nefndin vill alvarlega aðvara þá utanbæjarmenn, sem keypt hafa eða ætla að kaupa íbúðir í bænum, að gera ekki ráðstafanir til að flytja í þær eins og stendur, það því vegna tilfinnanlegrar húsnæðiseklu fá engir aðkomumenn að setjast hér að, nema þeir sem rétt hafa til þess samkvæmt húsaleigulögum.

Af sömu ástæðu eru húseigendur í bænum varaðir við að leigja utanbæjarfólki. Þeir, sem slíkt gera, mega búast við að verða sóttir til sekta, og aðkomufólkið verði borið út.

Siglufirði, 16. apríl 1945.

Húsaleigunefnd Siglufjarðar.

11. nóvember 2003

Rarik á Siglufirði. - Rarik, annast bæði raforku og heitavatns-dreifingu á Siglufirði. Þar er ekki fjölmennt lið.

Hjá hitaveitunni starfa tveir, og hjá rafmagnsdeildinni, einnig tveir - og svo skrifstofan, þar sem eru tveir starfsmenn.

Ég heimsótti bækistöðvarnar og hitti þar starfslið skrifstofu og rafveitu.

Myndirnar hér fyrir neðan

11 nóvember 2003

September 1963 Hverjir þekkja sjálfa sig?

Þessi mynd var tekin í september 1963, © Steingrímur

12. nóvember 2003

Lýsisskipið WEST MASTER, skráð á Bahama, með Lettneskri áhöfn, lestaði hér frá Síldarvinnslunni 1.250 tonn af lýsi í nótt.

Skipið var að búast til brottfarar kl.9:50 í morgun, er þessi mynd var tekin.

12. nóvember 2003

Olíuskipið KEILIR lagðist að bryggju kl. 11:00 í morgun, til að losa hér um 600 tonn af Flotolíu og um 200 tonn af MB olíu, til Olís (Olíudreifing)

12. nóvember 2003

Nýlega hófst vinna við endurnýjun á hluta smábátahafnarinnar inni í "Dokkinni" á Siglufirði.

Sami verktaki og var með bryggjuna fyrir framan Síldarminjasafnið í sumar, sér um þetta verk einnig. þessi mynd er tekin í morgun.

12. nóvember 2003 Henriksen-planið 1963

Hverjir þekkja sjálfan sig? © Steingrímur...

13. nóvember 2003

Baldi bakari.

Baldvin S Ingimarsson bakari, er nýkomin heim frá Lettlandi, þar sem var verið að baka fyrir hann Siglfirskt Laufabrauð.

Hann samdi við Lettnskt bakarí um framleiðslu, sem er áætluð um 300.000-350.000 kökur.

Nú hefur hann gert víðtækari samninga við Lettana, um fleiri tegundir, sem hann mun svo flytja inn til Íslands.

Hann fer aftur utan í næstu viku. Nokkrar myndir sem hann tók í "bakaríinu" eru hér fyrir neðan

13. nóvember 2003

Önnur flotkvíin hans Sigtryggs Kristjánssonar, er komin að landi, mikið líf er í kvínni og vel alinn fiskur virðist vera þarna á ferðinni, væntanlega tilbúinn til slátrunar.

En Siddi hefur látið allan smærri fisk sem hann hefur aflað í sumar, í kvína og alið tittina, þar til nú að þeir virðast fullvaxnir.

13. nóvember 2003

SR-Vélaverkstæði lætur nú vinna við það á fullum krafti, utan sem innan, við undirbúning við opnun verslunar sinnar, á Siglufirði.

Þarna er Elmar Árnason, ásamt aðstoðarmanni að vinna við að slá upp fyrir tröppu við dyrnar, sem einnig verða endurnýjaðar.

14. nóvember 2003

Árið 1967

Hafliðaplanið árið 1967.

Hver þekkir litlu stúlkurnar, sem sennilega eiga kannski jafngamlar stúlkur, eða eldri í dag.

14. nóvember 2003

Bátabryggja.

Það gengur eins og í sögu, hjá þeim að ramma niður staurunum, í hinn nýja viðlegukant í bátadokkinni, sem unnið er að núna.

14. nóvember 2003

Síldarvinnslan á Siglufirði, hefur undanfarið verið að blanda loðnumjöl á ákveðinn hátt, sem síðan er sent jöfnum höndum með Norðurfrakt til til Fóðurverksmiðjunnar Laxár í Eyjafirði.

Fóðurverksmiðjan Laxá, er dótturfyrirtæki Síldarvinnslunnar sem sérhæfir sig í framleiðslu á fiskeldisfóðri. Samtals munu um 1500 tonn. fara þangað, en bróðurparturinn er þegar kominn á áfangastað.

Myndin sýnir er verið er að lesta einn bílinn í morgun.

15. nóvember 2003

Apótekið Siglufirði, þar stóð yfir kynning á snyrtivörum, og þar smellti ég á nokkrum myndum af starfsfólkinu, kynningardömunni.

Myndir HÉR

15. nóvember 2003

Hraðfrystihús SR - ca 1964

Stefán Friðleifsson og Hallur Garibaldarson -- Kári Sumarliðason í bakgrunni.

15. nóvember 2003

1.640 tonn af loðnumjöli frá Síldarvinnslunni á Siglufirði, var verið að lesta í þetta skip AUDRE frá Klaipedia (Litháen) í morgun.

Myndir HÉR

16. nóvember 2003

Sjúkraflug.

Áætlunarflug á Siglufjörð hefur fyrir nokkuð löngu síðan lagst af, og eru Siglfirðingar nauðbeygðir til að fara með rútu til Sauðárkróks, vilji þeir fljúga til eða frá Reykjavík, (eða annað)

Það er því sjaldgæft á sjá flugvél af þessari tegund lenda á Siglufjarðarflugvelli, má raunar segja sem betur fer í þessu tilfelli, - þar sem þessi vél kom í gær til að sækja sjúkling.

16. nóvember 2003

Eðvald Eiríksson er þarna að sinna löndunartór, krana 2, hjá SR. Sennilega um árið 1964

16. nóvember 2003

Harðir golfarar, og harðir fletir.

Þeir létu ekki deigan síga Þór Jóhannsson og félagar, en þeir voru að leika golf í logninu og "frostmarkinu" í gærdag.

Þeir létu einstaka snjóbreiðu engin áhrif hafa á sig.

Snjórinn var harður eftir næturfrostið og leit út eins og besti völlur, það vantaði bara græna litinn á stöku stað.

16. nóvember 2003

Síðbúnar myndir frá ferðalagi starfsmanna Síldarvinnslunnar (Starfsmannafélag SR) til Búddapest.

Aðsendar myndir sem Birgitta Pálsdóttir tók 2-6 október 2003