Lífið 8. til 10. sept. 2003

.

8. september  2003

Frétt ríkisútvarpsins 7. september: Rétt að ráðast í Héðinsfjarðargöng

Ef hætt verður við stækkun Norðuráls á Grundartanga er lag til að ráðast verði í gerð Héðinsfjarðargangna, segir varaformaður þingflokks Samfylkingarinnar. Hann segir allt tilbúið til að hefja verkið og þær forsendur sem gefnar voru fyrir frestuninni brostnar.

Landsvirkjunar ákvað í fyrradag að fresta gerð Norðlingaölduveitu en hún átti að útvega orku til stækkunar Norðuráls á Grundartanga. Valgerður Sverrisdóttir hefur sagst vera svartsýn á stækkunina eftir ákvörðun stjórnar Landsvirkjunar. Sú framkvæmd er ein af þeim forsendum sem Seðlabanki Íslands hefur lagt til grundvallar spám sínum um framvindu efnahagsmála. Þetta þýðir það, segir Már Guðmundsson aðalhagfræðingur Seðlabankans, að slaki verður meiri í hagkerfinu og varir lengur en Seðlabankinn hefur spáð hingað til og mun ekki hverfa á næsta ári.

Verðbólga getur aukist til skemmri tíma en langtíma verðbólga minnkar og þar með minnkar sá þrýstingur á vaxtahækkun sem óhjákvæmilega fylgir auknum umsvifum í þjóðfélaginu m.a. vegna framkvæmda á Austurlandi. Í byrjun sumars ákvað ríkisstjórnin að frest gerð Héðinsfjarðarganga vegna fyrirsjáanlegrar þenslu. Kristján Möller, varaformaður þingflokks Samfylkingarinnar og þingmaður í Norðausturkjördæmi, segir þessa aðalforsendu frestunarinnar nú brostna. Kristján segir að allt sé tilbúið og framkvæmdir gætu hafist með mjög stuttum fyrirvara; verkið hafi verið boðið út og nú vanti ekkert nema ákvörðun ríkisstjórnarinnar.

Frétt ríkisútvarpsins 5. september: 

Sveitarstjórn Skagafjarðar vill láta gera úttekt á svokallaðri Fljótaleið milli Eyjafjarðar og Fljóta. Áfangasigur, segir bóndinn á Bjarnargili sem barist hefur gegn Héðinsfjarðargöngum. 

(Nú vitum við, hverja við eigum að !)

9. september 10:16 - 2003 Bátabryggjan, framan við Síldarminjasafnið. Verið er að leggja síðustu hönd á smíði hennar