Хъуэжэ и гъэсакӏуэм и щыуагъэр къыщӏигъэщащ
Ди Хъуэжэ и сабиигъуэт. Зы махуэ гуэрым ар и анэм деж гъынанэу къыщӏэлъэдэжри фо къыӏихыну щыхьащ. И анэм, а сыхьэтым и гъунэгъу фыз къыщӏыхьам еуэршэрылӏэрти, сабийр къызыкӏэригъэкӏын папщӏэ къыжриӏащ:
– Фӏейм пиуфӏыцӏыкӏа уи пэр тхьэщӏи уэстынщ.
Сабийр псынщӏэу унэм къыщӏэжри и напэр итхьэщӏащ, иужькӏэ аргуэру щӏэлъэдэжри елъэӏуу щӏидзэжащ.
Зэ елъэӏуащ, тӏэу елъэӏуащ, ещанэу елъэӏуащ фор къыритыну, арщхьэкӏэ зэхимых зищӏауэ и анэр гъунэгъу фызым а зэреуэршэрылӏэм хуэдэт.
Иужькӏэ Хъуэжэ унэм къыщӏэкӏщ, и пэри и напэри ятӏэкӏэ зэхицӏалэри щӏыхьэжащ, икӏи и анэм и пащхьэм деж къит шэнтым зигъэтхьэмыщкӏафэу тетӏысхьащ.
Ар къыщилъагъум и анэр къэуӏэбжьащ:
– Ан-на, уи напэр щхьэ буцӏэпӏыжа? – жиӏэу.
– Ехьей, ухуей хъунт уэ, – жиӏащ Хъуэжэ, – си напэри къабзэу, уи фоми уемыӏусэу щыбгъэтыну!