«Мыра шъузылъыхъурэр?...»

Нэкӏмэзагъ. Хъуаджэм сэрашэ ышӏэу щысызэ хьазырэу нэф къэшъы хъугъэ. Муазинэу къэджэн фаер блэкӏы хъугъэ. Хъуаджэм ар ылъэгъуи, лъыджагъ: «Сэ джыри сэшхэ пэт, умыдж». Азэнаджэр къыпымылъэу блэкӏи, минарэм кӏуагъэ. Къэджагъ. Сэрашэ пшӏыжьы хъущтэп ащ ыуж. Шхахи, Хъуаджэри мэщытым кӏуагъэ. Азэнаджэр къызэремыдэӏугъэм пае еуи, ыукӏыгъ. Ышъхьэ пиупкӏи, ыхьыгъ. Шъхьэр дзыом рилъхьи, пӏэкӏор чӏэгъым чӏилъхьагъ. Ежьыри унэм икӏыгъ.

Хъуаджэм ышӏэрэр ныбжьи ыушъэфыщтыгъэп. Шъузыр дзыом зеплъэм шъхьэр рилъэгъуагъ. Хъуаджэм ышӏагъэр зэриӏотэщтыри цӏыфмэ зэраригъэлъэгъущтыри ышӏи, азэнаджэм ышъхьэ къырихи, мэлышъхьэр рилъхьагъ.

Азэнаджэр аукӏыгъэти, цӏыфхэр кӏэупчӏэхэ зэхъум Хъуаджэм «Сэры зыукӏыгъэр. Ышъхьи дзыом илъ, шъозгъэлъэгъун» ыӏуагъ. Къэкӏожьи, дзыор ыхьыгъ. Дзыор къыӏэти, мэлышъхьэр къызезым псынкӏэу хъугъэр къыгурыӏуи, къариӏуагъ:

- Мары сэ сыукӏыгъэр, шъузылъыхъурэр арымэ шъушӏэжьын.

Джаущтэу шъузым хищыжьыгъ.