Башир цӏыкӏу
Тэтрокъуэ Астемыр и къуэ Башир цӏыкӏу хузотх
Ей! Фэ фцӏыхурэ Башир цӏыкӏу?
Фцӏыхукъэ? Дэси ар ди къуажэ!
Башир нэсу щӏалэфӏ цӏыкӏущ, –
Сытым хуэдэу къуэ пажэ!
Лъабэдий ещӏыф Башир,
Ещӏэ и анэдэлъхубзэр,
«Сэлам!» – жери ӏэр къеший,
И псэм хуехьыр адыгэбзэр.
Гъы ӏэуахэр и ауанщ,
Башир цӏыкӏу мыгъыринэ.
Хъуну хуейщи ар пелуан,
Шхэмэ – зыри къримынэ.
Дадэ жеӏэ: «Башир цӏыкӏу,
Нэгъэсауэ адыгэлӏи!»
Нанэ жеӏэ: «Башир цӏыкӏу
Хъунщ губзыгъэу ар хэкулӏи!