Къеплъ си нитӏым
Ней-нейуэ сызэпумыплъыхь,
Си фащэм зыри тумыщӏыхь.
Къысхуумыщӏ сэ абыкӏэ щӏыхь,
Ар щхьэгъэпцӏэжщ, нэкъыфӏэщӏщ, пщӏыхьщ.
Сыт сэ фӏыуэ сыхуэпакӏэ?
Е фейцейуэ сыпхуэзакӏэ?
Слӏожь дунейм сыщылӏ бэгъуакӏэ?
Е къуэгъу цӏыкӏуу сыплъэгъуакӏэ?
Апхуэдэу плъагъукъым уэ мащӏэ,
Умыжакъуэ, умыпӏащӏэ.
Теплъэкӏэ хуащӏкъым цӏыхум пщӏэ,
Ар хьэкъщ, щӏы уи фӏэщ – зэгъащӏэ!
Пэж си теплъэм къыбжиӏэнкъым,
Абы акъыл щыбгъуэтынкъым.
Къеплъ си нитӏым, – ущыуэнкъым.
Си гум арщ и гъуджэр, – пцӏыкъым.