Сэрмахуэ (Пщылӏ гъыбзэ)
Насыпыншэу зэман бзаджэм дыхалъхуащ,
Мылъхуэжыныр пщыжь-уэркъыжьхэм къахукӏуэ,
Рэ-уэ-уой, сэрмахуэ!
Хьэщӏэ къакӏуэм пщылӏ хъыджэбзхэр ирашэ,
Жэщыр хъумэ гупсысэным дегъалӏэ,
Рэ-уэ-уей, уо, сэрмахуэ!
Щэныбэжьхэм пщылӏ сабийхэр яукӏ,
Кӏэ имыӏэу я гъы макъыр зэхохи,
Рэ-уэ-уей, уо, сэрмахуэ!
Мы гъэрэщым сэкъатыншэу докӏуадэри,
Ди кӏуэдыкӏэм пщылӏ фызыжьхэр йолӏыкӏи,
Рэ-уэ-уей, уо, сэрмахуэ!
Насыпыншэу зэман бзаджэм дыхалъхуащ,
Мылъхуэжыныр пщыжь-уэркъыжьхэм къахукӏуэ,
Рэ-уэ-уей, уо, сэрмахуэ!