Дунаем изэфэдитӏу
Мафэ горэм купышхо зэнэкъокъоу зэхэтэу Хъуаджэр кӏуи ахэхьагъ.
- Мы дунаеу тызытетым изэфэдитӏу къышӏэнэу гъэсагъи еджагъи къэхъугъэнэп ыкӏи къэхъунэп, - ызыныкъомэ аӏо.
- Ардэдэу пӏо хъунэп, зыфэдэ мыхъурэ щыӏэп, ар зыфэукӏочӏын гъэсэгъэшхо щыӏэнкӏи мэхъу, ащкӏэ къаигъэ ухъуныр щтагъо, - аӏо адрэхэм.
- Сэ сӏуагъэм сытекӏырэп. Мы дунаем изэфэдитӏу къэзышӏэрэм сищыд есэты, - къызэкӏэкӏуагъэп апэрэр.
Хъуаджэр купмэ къахэкӏоти, ибэщ чӏиси, къариӏуагъ:
- Дунаем изэфэдитӏу шъулъэхъумэ, мары изэфэдитӏур!
- Ар сыдэу хъумэ изэфэдитӏун? - зышӏошъы мыхъунхэр къахэкӏыгъэх.
- Зышӏошъы мыхъурэр темыркъэзэкъымкӏи, къыблэмкӏи орэкӏори къерэш, етӏанэ ащ сэ сибэщ дунаем зэригузэгур нафэ къыфэхъущт.