«Ишъухын илъымэ ӏофа!..»

Зэгорэм Хъуаджэм иунэ тыгъуакӏохэр къекӏугъэх. Хъуаджэм пчъэкъохэ къогъу зишӏи зигъэбылъыгъ. Ашӏэрэм еплъыщт. Унэм илъыр зэпрагъэзэжьы, зэрапхъо, ежь къяплъы щыт. Хъуаджэр къогъум зэрэкъотым гу лъатагъ. Еупчӏыгъэх:

- Сыд пай мы къогъум укъот? Зи умыӏоу унэр тэогъэхъункӏэ.

- Ярэби, къогъум сызыфыкъотыр, - ыӏуагъ ащ, - тыгъуакӏохэр уиунэ къихьэхэмэ, унэгъо тэрэзэу ипхы хъун ибгъотэщтмэ ари дэгъу, иӏэти ахьыгъ аӏон, сэ ишъухын зэрэсимыӏэм къыхэкӏэу сыукӏыти, зызгъэбылъыжьыгъ, шъуапашъхьэ хьэйнапэ сыщымыхъуным пае. Емыкӏуба, зыгорэ сиӏ къышъушӏошӏэу шъукъэкӏуагъэу шъухьэолыеныр! Сэукӏытэ.

Тыгъуакӏохэм аӏон амышӏэжьэу, къонтхъэу яӏэ тӏэкӏури къыратэкъужьи, «удгъэукӏытэжьынэп, ущ фэдиз уизэфагъэу» аӏуи, икӏыжьыгъэх.