Хъуаджэм икъоещэфыкӏ
Къуае ещэ аӏоу зыцӏэ paӏyaгъэм дэжь Хъуаджэр кӏуагъэ.
- Къуае оща?
- Сэщэ.
- Ащыгъум къоехьалих сэщэфы, ау джы дэдэм ахъщэ сӏыгъыгопышъ, къоехьалищыр тадыжь зыдэсэхьы, щыр шъуадэжь щэрэӏэгу. Шъущэнхэу е шъушхынхэу шъугу къэшъумыгъэкӏ, гъэнэфагъэ сэ сакъылъыкӏощт.
Хъуаджэм къоехьалищыр ядыжь ыхьи, «сиблагъэ горэм къыситыгъэх» ыӏуи ишъузы ритыгъэх. Шъузыми «Сыдэу блэгъэ дэгъу уиӏ» - ыӏуагъ.
Адырэ къоехьалищэу къэнагъэмэ алъымыкӏоу, къыхьыгъэмэ атефэрэ ахъщэри ымыхьыжьы зэхъум, къуаер къезыщагъэр губжыгъэ:
- Мо Хъоджэ бетэмалым сэри сигъэпцӏэн ихьисап, ау къыдэхъунэп. Къоехьалищэу ыхьыгъэмэ апкӏэ къымыхьыщтмэ, ежь икъоехьалищэу къыринагъэмэ ясшӏэрэм ерэплъ, - ыӏуи, къоехьалищыр ышхыжьыгъэх, Хъуаджэм текӏуагъэу гугъэзэ.