Уэшх
Уафэр ӏейуэ къэгубжьауэ
И нэщхъыцэр зэхеуфэ.
И фӏэщыпэу ар хуежьауэ
Гъуэжькуийр щӏылъэм къыщегъафэ.
Гъыбзэр кӏыхьу къыхидзауэ
Щӏимыгъачэу ар мэгъуахъуэ.
«Аркъэн» плъыжьыр пшэм хидзауэ
Полъэлъ кхъуакӏэр, къыхегъахъуэ.
Уафэм и гум бампӏэу дэлъыр
Щӏым щыхьауэ трекъутэ.
«Нэпс» шыугъэу щӏигъэлъэлъыр
Гъунапкъэншэу трекӏутэ.
Щӏым и жьэжьыр иущӏауэ
Фӏэфоупсу ирекӏых.
Саугъэт лъапӏэм гу хуищӏауэ
Берычэтыр бэм хухех.