«Уикъамэ къаштэ»

Хъуаджэр гъогум рыкӏозэ лӏы горэ къыкӏэхьагъ.

- Гъогумаф, Хъуадж!

- Тхьауегъэпсэу, гъогумафэ тызэдытехь! Къызэдакӏохэзэ, Хъуаджэм итхьагъэпцӏыгъэ-ӏушыгъэ пекӏощтэу ыӏуи, гъусэ къыфэхъугъэ гъогурыкӏор къышӏонагъ.

- Ащыгъум, тхьэмэтэмаф, сэ зыкъыспэпшӏыныр хэгъэкӏи, сипаӏорэ сицокъитӏурэ узэрамыуасэр къыосэӏо, - риӏуагъ.

- Сыдэущтэу?

- Олъэгъуа, мо цукоу къакӏорэр? Джа цукумкӏэ сицуакъэмэ ощ нахьи нахь шӏуагъэ зэряӏэр къыпфэзгъэшъыпкъэжьыщт.

- Ар пфэгъэцэкӏэжьышъумэ сидышъэ къамэ остын, пфэмыгъэцэкӏэжьмэ, о уикъамэ сэ къысэптыщт, уипцӏылъэ игъусэу.

- Хъун, сыкъезэгъы. О куандэмэ ахэтӏысхь, зыми зыкъемыгъэлъэгъу, хъурэм къылъыплъ.

Игъусэ куандэмэ ахигъэтӏысхьагъ. А чӏыпӏэм гъогур чӏыохыпӏэшхо горэм икӏэу щытыти, Хъуаджэр нэпкъым нэси, цокъэ дэхитӏу хъоршэрыгъэкӏэ къашӏуихьыгъэу щыгъыгъэти, зы цуакъэр нэпкъым тыригъэтӏысхьагъ, адрэр чӏыохыпӏэм рихьыхи, ригъэтӏысэхыгъ.

Цукур къызэсым, цухэм цуакъэр алъэгъуи, къызэтеуцуагъэх. Цукуаор мэчъыети, къэлъати, зэплъэм, цуакъэр ылъэгъугъ. Кум ипкӏи, цуакъэр къыштагъ. Адрэ лъэныкъори ыгъоты шӏоигъоу зыфиплъыхьэзэ, ари чӏыохым илъэу ылъэгъуи, гуӏэзэ ечъэхыгъ. Чӏыохыр куугъэ, Хъуаджэр зыфаер арыти, куандэмэ къахэкӏи, цуитӏур кӏитӏупщи, мэзым хищагъэх. Цукуаом къызегъэзэжьым, цухэр кум кӏэтыжьхэп.

«Мы цокъэ мыгъохэр ары унэгъо мышӏэжь сызэхъулӏагъэхэр» ыӏуи, губжи, цуакъэхэр ыгъэжьажьи, мэзым хидзагъэх. Лӏыр епэгъогъохэу лъыхъуакӏо ежьагъ. Хъуаджэр шъхьадэмэ къахэкӏыжьи, ицуакъэхэр ыштэжьыгъэх, кӏалэм къыригъэгъази, цуитӏур ритыжьыгъ.

- О уикъамэ къаштэ, - ыӏуи, къамэр къыӏихыгъ.

- О унахь лъэш, унахь хъор-шэр, укъыстекӏуагъ, - ыӏуи адрэри къеуцолӏагъ.